Joe Alwyn mund të pësojë të njëtin fat si John Mayer, mendojnë njerëzit, pasi Taylor njoftoi se albumi i saj i ri, “The Tortured Poets Department” do të publikohet më 19 prill.
Ndonëse Tay nuk ka treguar detaje për albumin, njerëzit mendojnë se lidhet me marrëdhënien e saj 6-vjeçare me Joe Alwyn. Ajo ka publikuar listën e këngëve dhe le të themi se titujt janë paksa brutalë.
“So Long, London”, “The Smallest Man Who Ever Lived”, “My Boy Only Breaks His Favorite Toys”, “But Daddy, I Love Him”, “I Can Fix Him (No Really, I Can)”, “Fortnight” dhe “Florida!!!” janë disa prej këngëve dhe fansat e këngëtares mendojnë se disa nga këngët i kushtohen aktorit anglez.
Njerëzit kanë shpërthyer në X (ish-Twitter): “Joe Alwyn, numëro ditët”; “Çdo këngë te ky album është thjesht e keqe për Joe”; “Joe do marrë mbrojtje pas albumit”; “Thjesht më motivon fakti se kur të zgjohem më 19 prill nuk do kem të njëjtat probleme me Joe Alwyn”, ishin disa nga postimet në rrjetin social.
Ndërkohë, Taylor njoftoi në skenën e çmimeve Grammy të zhvilluar të dielën (4 shkurt 2024) se në mënyrë sekrete, prej 2 vitesh, po punonte për albumin e saj të ri, “The Tortured Poets Department”.
Swift dhe Alwyn u takuan në Met Gala 2016 dhe filluan të dilnin disa muaj më vonë, megjithëse lidhja e tyre nuk u bë publike deri në vitin 2017. Ata i dhanë fund marrëdhënies në prill të vitit 2023.
Artikuj të sugjeruar:
