Takimi i radhës me atë që të ka rrëmbyer zemrën, por edhe Shën Valentini është pranë? Mos u shqetëso për kombinimet se ja ku i ke ca super ide.
Dashuria duhet festuar në çdo formë, edhe nëse kjo do të thotë të marrësh më shumë kohë pr t’u kujdesur për veten që të dukesh bukur në një mbrëmje speciale.
E kemi thënë edhe më parë, të brendshmet vishen së jashtmi tashmë. Ndaj mos u vono të zgjedhësh ca detaje dantelle, geta seksi me detaje më intime dhe kombinoji me pallton e preferuar, çizme dhe një fustan ose fund të shkurtër.
Një fustan i gjatë me ngjyra dhe material sateni është gjithçka i duhet një mbrëmjeje dedikuar dashurisë dhe emocioneve të saj më të bukura.
Nëse do të dukesh bukur, por edhe të jesh rehat, vish pizhama romantike. Po, po, e lexove mirë. I ke parasysh pizhamat që kanë material disi luksoz dhe janë të gjera? Ato të duhen.
Një fustan të shkurtër transparent duhet ta bësh pjesë të dollapit me këtë rast, ose nëse e ke, nxirre. Një palë të brendshme të bukura dhe je gati.
Dhe për ty që nuk të bindi asnjë nga idetë më lart, vishu me të zeza kokë e këmbë që të dukesh klas.
