Victoria Beckham nuk e ka me shumë qejf të bëhet gjyshe dhe e ka shprehur hapur këtë, por nga ana tjetër, Nicola Peltz Beckham, bashkëshortja e Brooklyn, në një intervistë me Nylon, thotë se ai do shumë të bëhet baba.
“Ai do shumë që të bëhet baba”, tha Nicola dhe në fakt, edhe vetë Brooklyn është shprehur për ET në gusht të 2022-shit se do të jetë baba, por gjithçka varet nga e shoqja. “Gjithnjë kam dashur të jem një baba i ri në moshë. Dua të kem një familje të madhe shpejt, por kur të jetë gati ime shoqe. Unë dua diku te 10 fëmijë”, tha ai.
Ndërsa reagimi i Victoria-s kur u pyet nëse do të bëhet gjyshe ishte: “O Zot! Çfarë? Prit pak. Nuk mendoj se kjo do ndodhë tani shpejt, vetëm nëse ju dini diçka që unë nuk e di. Por jo nuk do ndodhë, ende jo”, tha ylli i modës thuajse në panik.
Gjithsesi, që edhe Victoria të gjejë pak paqe, për Nicola-n, nuk ka një kohë të caktuar kur mund të bëhet mama e një fëmije, pasi është shumë e zënë me 5 qenushët e saj. “Unë shoh qenushët dhe mendoj: “Shiko sa perfektë janë”.
Sa i përket njohjes së Brooklyn me Nicola-n, nisi kur ata u takuan në një festë në Coachella. Më pas, një festë Halloween-i, ata u takuan dhe u lidhën. Tani, janë të martuar dhe Nicola mendon se Brooklyn është burri më i mirë në të gjithë botën.
Artikuj të sugjeruar:
