Spekulimet për personin që do të jetë në rolin e James Bond kanë filluar sërish dhe këtë herë thuhet se fatlumi do jetë aktori britanik Aaron Taylor-Johnson. Lajmi vjen nga The Sun, ku thuhet se aktori i njohur për rolin në “Kick-Ass” dhe disa filma të Marvel ka marrë formalisht ftesën për të qenë “agjenti 007”.
Më parë ky rol është luajtur nga Daniel Craig. Filmi i radhës i kësaj linje pritet të jetë i 26-shti pas “No Time to Die”.
Emra të tjerë që diskutohen për ktë rol janë: Mark O'Connell, Henry Cavill, Damson Idris, James Norton, Tom Hardy, Idris Elba dhe Chris Evans. Elba u shpreh se është i vjetër për këtë rol, ndaj gjasat që ai ta pranojë janë të vogla.
Vetë Taylor-Johnson ka pranuar më herët në një intervistë për Numero Magazine se i duket e mrekullueshme që njerëzit e shohin të përshtatshëm për këtë rol. “Për mua është kompliment”, u shpreh ai.
Artikuj të sugjeruar:
