getty

Prince William po bën më të mirën që mundet për të qenë një bashkëshort mbështetës dhe baba i mirë, teksa gruaja e tij Kate Middleton i tregoi botës se po ndjek kimioterapinë për të luftuar kancerin. Ekspertja mbretërore Katie Nicholl ka zbuluar për ET se në pallatin Kensington ka optimizëm dhe familja është e bashkuar për të përballuar gjithçka po ndodh.

“Kate është optimiste, nga ana tjetër për William është shumë e vështirë kjo situatë, por ai vazhdon të mbetet mbështetja kryesore e partneres së 20 viteve”, zbulohet nga burimet e brendshme të familjes.

“Ka shumë presion ndaj princit të Uellsit. Ai duhet të jetë krah edhe për babain, po aq sa për mbretëreshën e sigurisht, për gruan e tij”, thotë Nicholl.

Kujtojmë se rreth dy muaj para Kate, lajmi për diagnostikim me kancer u zbulua edhe për mbretin Charles. Tashmë vetë Kate, e cila ishte vënë në qendër të teorive konspirative për zhdukjen prej javësh nga mediat dhe aktivitetet mbretërore, zbuloi se ka kancer dhe po kryen kimioterapinë. Video e princeshës që tregon për problemin shëndetësor u bë virale në kohë rekord dhe mbështetja ndaj saj online ka qenë e madhe.

Artikuj të sugjeruar: