Kylie Jenner vendosi të hedhë poshtë gjithë lajmet për një shtatzëni të mundshme me Timothée Chalamet, duke publikuar një video ku tregon barkun e sheshtë dhe kjo mund të jetë një përgjigje e qartë për zërat që qarkullojnë. 26-vjeçarja ka vendosur të bëjë modelen duke treguar xhinset e markës së saj të re, “Khy” dedikuar veshjeve.
Nga modelet me prerje të drejtë, tek ato të gjera, Kylie tregoi me detaje si i rrinin xhinset, duke vënë në dukje edhe fizikun e saj.
Thashethemet për një shtatzëni të mundshme të Jenner lindën gjatë këtij muaji, kur Daniel Tosh, komedian i njohur foli për një bisedë me një shitës në market, i cili thuhej se kishte dëgjuar biznesmen duke folur për shtatzëninë në një nga episodet e reja të “Keeping up with the Kardashians”.
Zhdukja e saj nga daljet publike, i nxiti edhe më shumë këto fjalë, bashkë me lajmet se mund të jetë ndarë nga Chalamet. As Jenner e as aktori nuk kanë folur drejtëpërdrejt për këtë temë, por këto video u cilësuan si konfirmimi i saj për të thënë se nuk është shtatzënë.
Kylie është nënë e dy fëmijëve, Stormi 6 vjeç dhe Aire 2 vjeç, të dy me ish-in, Travis Scott.
Artikuj të sugjeruar:
