Njerëzit që vuajnë nga probleme të shëndetit mendor, apo që ndihen të plogësht gjatë përditshmërisë bëhen shpesh “peng” i shtëpisë dhe divanit, duke u strukur aty për orë të tëra dhe duke mos pasur aspak dëshirë për të lëvizur jashtë.

Mendimet ankthioze dhe shqetësimet bëhen shoqëruesit e tyre dhe kësisoj zgjidhja bëhet gjithnjë e më e vështirë. Por, a e dini se natyra dhe thjesht ajri i pastër mund të bëjnë një super ndryshim, duke sjellë njëherësh edhe plot përfitime fizike dhe mendore te njerëzit?

Ja më kryesoret prej tyre:

-Ju ekspozoheni më shumë ndaj vitaminës D

Ekspozimi i drejtpërdrejtë ndaj dritës së diellit ndihmon në prodhimin e vitaminës D nga trupi. Kjo lëndë ushqyese ndikon në shëndetin e kockave, përfshirë edhe parandalimin e sëmundjeve të shumta auto-imune dhe kronike.

-Ulni stresin dhe ankthin

Ambientet natyrore dhe hapësirat e gjelbra janë në thelb shumë qetësuese dhe studimet kanë zbuluar se kalimi i kohës në natyrë mund të zvogëlojnë ndjeshëm stresin, ankthin dhe depresionin.

-Përmirësoni funksionin njohës

Ndërveprimi me natyrën mund të rrisin aftësitë njohëse, veçanërisht në fusha të tilla si përqendrimi, zgjidhja e problemeve dhe kreativiteti. Stimujt që vijnë nga mjediset natyrore duket se angazhojnë trurin në mënyra të ndryshme dhe të dobishme.

-Përmirësoni cilësinë e gjumit

Një studim i vitit 2021 zbuloi se koha e kaluar jashtë në mëngjes mund të përmirësojë cilësinë e gjumit. Nga ana tjetër, një gjumë i dobët dhe i çrregullt sjellë probleme shëndetësore nga ato me shëndetin mendor, zemrën etj.

Artikuj të sugjeruar: 

Burimi: HuffPost