FOT NGA ELLE.COM

Brad duket i vendosur në idenë e tij për të zgjeruar familjen me partnerin e re, Ines de Ramon pavarësisht diferencës së moshës. Për aktorin 60-vjeçar, sipas një burimi për DailyMail, kur bëhet fjalë për dashurinë dhe fëmijët, asnjëherë nuk ka pengesë moshe.

Sipas një burimi për këtë tabloid, duket se problemet e fundit ligjore të divorcit mes Brad dhe ish-bashkëshorten Angelina Jolie dhe vendimit të vajzës 18-vjeçare të çiftit për të hequr dorë nga mbiemri Pitt kanë qenë të gjitha situata që kanë ndikuar në forcimin e lidhjes dhe dashurisë mes aktorit dhe partneres 34-vjeçare.

Aktori i “Troy” është i gatshëm për një fillim të ri me Ramon dhe madje, madje Brad mendon se partnerja, në profesion një krijuese bizhuterish, do të ishte një nënë e mrekullueshme.  

“Është shkatërruese për Brad që fëmijët e tij po përpiqen të heqin mbiemrin e aktorit, por Ines ka qenë një burim i vërtetë ngushëllimi dhe kjo çështje duket se i ka afruar ata më shumë me njëri-tjetrin,” u shpreh burimi. Fakti që Brad do të ketë më shumë fëmijë në jetën e tij nuk përjashtohet. Ines është e re dhe Brad thotë se ajo është 100% e denjë për të qenë mama, nëse ajo dëshiron të ketë fëmijë me të. Atij i pëlqen ideja për të ndërtuar një jetë me Inesin.”

Sipas projeksionit të aktorit të famshëm, Ines do të ishte një nënë shumë e përkushtuar, pasi është e durueshme, ka sens humori dhe përshtatet lehtë me çdo situatë.

FOTO: action press

Marrëdhënia e tensionuar e Pitt me fëmijët e tij, si dhe ndarja nga ish-gruaja Angelina Jolie, janë kthyer sërish në qendër të vëmendjes pasi u zbulua se vajza e tij Shiloh kërkoi të hiqte mbiemrin e babait të saj në ditëlindjen e saj të 18-të. Javën e kaluar, një burim i afërt me aktorin fitues të Oskarit tha se largimi i tij nga jeta e vajzës është një tjetër tregues se ai “ka humbur fëmijët e tij”, sipas People.

Brad dhe Ines janë prej dy vitesh në një romancë, ndërsa zërat thonë se prej shkurtit të këtij viti, ata kanë nisur bashkëjetesën si çift.

Artikuj të sugjeruar: