Njerëzit në rrjetet sociale kanë shpërthyer kundrejt Elsied Hysajt, duke e fajësuar për neglizhencën e tij ndaj golit të dytë të Italisë.

Nicolò Barella shënoi golin në minutën e 16, duke i dhënë fitoren Italisë dhë në këtë moment është parë Elseidi duke ulur kokën. Menjëherë fragmenti i ndeshjes është bërë viral në rrjetet sociale dhe njerëzit nuk i kanë kursyer komentet ndaj futbollistit.

Të shumta ishin komentet që i kërkonin Elseidit të largohet nga kombëtarja, apo që e quanin “të pafalshëm” gabimin e tij.

Edhe në X, njerëzit kanë reaguar. "Nëse Hysaj nuk ka njerëz që e urrejnë, unë do kem vdekur".

Megjithatë, pati edhe komente (të pakta) që fajësuan Asanin për pasimin e topit te kundërshtarët, si dhe kritika për lojën e kombëtares.

Gjithsesi, vlen të theksohet se edhe pse Shqipëria humbi ndeshjen, goli i Nedim Bajramit hyri në historinë e kampionatit europian si goli më i shpejtë, i realizuar për vetëm 23 sekonda.

Ky gol theu rekordin e dy dekadave më parë, kur rusi Dmitri Kirichenko, i shënoi gol Greqisë në 67 sekondat e para, në Euro 2004.