Ndodh thuajse çdo verë! Pra, ju blini shalqi që duket super i shijshëm nga ngjyra dhe lëkura, e konsumoni dhe pjesa tjetër mbetet gjatë në frigorifer. Nëse nuk doni që ta hidhni pjesën e mbetur, ju mund të përgatisni receta të shpejta dhe të shijshme pijesh dhe sallatrash që kanë si bazë shalqirin.
#1 Koktej margarita & shalqi
Përbërësit:
4 gota me shalqi të grirë
½ filxhan rum
1/3 filxhan liker
1/3 filxhan me lëng gëlqereje
1 lugë mjaltë
½ lëngut të një limoni
Pak kripë
Përgatitja:
Shalqirin e pastruar vendoseni në ngrirje që të qëndrojë gjatë gjithë natës. Fërkoni buzët e dy gotave me kripë dhe lërini mënjanë. Hidhni rum, lëngun e limonit dhe kalojini në shtrydhëse. Shtoni akullin, shalqirin, mjaltin dhe përziejini mirë. Kullojeni në një gotë, zbukurojeni me feta lime dhe shërbejeni.
#2 Sallatë pikante me shalqi
Përbërësit:
4 feta shalqi
1 tufë rukola
1 tufë borzilok
300 gramë djathë i bardhë
2 lugë gjelle vaj ulliri
1 lugë gjelle lëng limoni
1 lugë gjelle fara susami
Pak tabasko
Përgatitja:
Vendosim në një tas rukolën, sallatën jeshile dhe fetat e shalqirit. Shtojmë më pas djathin e bardhë të prerë në kubikë dhe gjethet e borzilokut. E rregullojmë sallatën me vaj ulliri, lëng limoni, tabasko dhe pak fara susami.
#3 Shalqi i ngrirë si pije
Përbërësit:
Shalqi i prerë në copa
½ gotë me vodka
1 lugë sheqer pluhur
Akull i grimcuar
1 fetë lime për zbukurim
Përgatitja:
Fillimisht, merrni shalqirin, vodkën dhe sheqerin dhe futini në një grirës për 10 sekonda, deri sa shalqiri të bëhet i lëngshëm. Më pas, shtoni akullin dhe përziejini të gjithë përbërësit. Zbukurojeni gotën me një copëz lime të freskët dhe shërbejeni të ftohtë.
#4 Granita shalqiri
Përbërësit:
500g shalqi i pastruar nga farat
100 gramë sheqer
500 ml ujë
Përgatitja:
Ujin dhe sheqerin i përziejmë në një tenxhere, pastaj i vëmë në sobë me temperaturë të ulët derisa të marrin valë. Kur sherbeti të ftohet e bashkojmë me pjesën tjetër dhe e vendosim sasinë e përftuar në ngrirje për një orë. E shërbeni sipas dëshirës me shalqi, çokollatë etj.
#5 Sallatë me shalqi
Përbërësit:
2 gota me shalqi të prerë në kubikë
3 misra të zier
1/3 filxhan me qepë të kuqe
Pak majdanoz i grirë imët
1 lugë gjelle vaj ulliri
Kripë
Përgatitja:
Shtoni të gjithë përbërësit në një tas dhe përziejini bashkë. Nëse doni të pasuroni shijen në tryezë, shtoni pulë të pjekur në skare, peshk, patate etj.
#6 Sallatë me karkaleca dhe shalqi
Përbërësit:
¼ filxhan majonezë
2 feta shalqi i prerë në kubikë
150 gramë djathë i bardhë
2 degë selino, të prera hollë
3 lugë majdanoz të freskët
Kripë dhe piper
1/2 lime
1 lugë gjelle vaj ulliri
2 avokado
Sallatë jeshile
Përgatitja:
Ngrohni një tigan ose skarë në nxehtësi mesatare. Shtoni aty karkalecat e pastruar mirë. Më pas hidhini në një tas dhe shtoni majonezën, selinon, shalqirin, majdanozin, vajin e ullirit, kripën dhe gjithë përbërësit e tjerë.
#7 Shalqi me ujë kokosi
Përbërësit:
2 copa shalqi pa fara i prerë në kubikë
1 litër ujë kokosi
2 lugë lëng gëlqereje
Përgatitja:
Bëjeni pure shalqirin duke e kaluar në një grirëse. Hidheni në një sitë me rrjetë të imët dhe kullojeni duke hequr pjesën e tulit. Përziejeni me ujin e kokosit dhe lëngun e gëlqeres. Shërbejeni me akull.
#8 Shalqi & kastravec
Përbërësit:
1 gotë ujë
Gjysmë kastravec
150 gramë shalqi
2 lugë gjelle fara chia
Përgatitja:
Hidhni në një mikser shalqirin, kastravecin dhe ujin. Përziejini mirë deri sa të ketë shkrirë e gjithë masa. Shtoni pak fara chia dhe feta kastraveci për zbukurim.
#9 Pije kivi & shalqi
Përbërësit:
2 kivi të qëruara
1 filxhan shalqi i prerë në kubikë
1 lugë fara chia
Përbërësit:
Futini në shtrydhëse të dy këto fruta, lërini pesë minuta. Më pas, përgatisni gotën ku do i shërbeni me një shtresë shalqi dhe një shtresë kivi, ca fara chia sipër dhe disa copa akulli për të përftuar një pije ideale për në verë.
#10 Limonadë me shalqi
Përbërësit:
Lëngu i një limoni të shtrydhur
300 ml ujë
2 gota me lëng shalqiri
65 gramë sheqer
8-10 gjethe të freskëta menteje
Përgatitja:
Hidheni shalqirin në një mikser dhe shihni deri sa të krijohet një masë si pure, të cilën do e shtrydhni më pas për të përftuar lëng shalqiri. Shtoni sheqerin, lëngun e limonit, ujin dhe hidhini në një gotë. Disa gjethe menteje për zbukurim dhe jeni në rregull.
Artikuj të sugjeruar:
Burimi: Parade
