Xherdan Shaqiri ka njoftuar se do të heqë dorë nga kombëtarja e Zvicrës. Përmes një postimi në Instagram, futbollisti 32-vjeçar bëri me dije se rrugëtimit të tij në kombëtaren zvicerane i erdhi fundi, pas një karriere 14-vjeçare, arritjeve dhe golave të shumtë.

“Shtatë turne, shumë gola, 14 vjet me kombëtaren e Zvicrës dhe momente të paharrueshme. Është momenti t’i them ‘mirupafshim’ kombëtares. Kujtime të bukura mbeten dhe ju them të gjithëve ‘faleminderit’”, shkroi Shaqiri.

Xherdani bëri paraqitjen e fundit në Euro 2024 dhe është i vetmi futbollist që ka shënuar në të tri botërorët dhe europianët e fundit. Shaqiri ka luajtur në pozicionin e sulmuesit në Bayern Munich dhe Liverpool.

Ai ka luajtur në 125 ndeshje, ka shënuar 32 gola dhe ka dhënë 34 asiste mjaft të bukur në kombëtare.