Adwoa Aboah, mikja e Hailey dhe Justin, zbuloi ditën e lindjes së Jack Bieber. Përmes një postimi në Instagram, ajo ndau me njerëzit lajmin e bukur se ishte bërë nënë. Hailey komentoi në foto, duke shkruar “Baby Shy!!!”, ndërsa mikesha replikoi dhe nënkuptoi se Shy dhe Jack kanë 1 ditë diferencë.
Duke qenë se Aboah ka lindur bebin më 23 gusht, Jack Bieber ka ardhur në jetë në 22.
Hailey dhe Justin konfirmuan se kanë sjellë në jetë bebushin e tyre javën e kaluar në Instagram. Justin publikoi një foto të këmbës së bebit dhe dorës së Hailey-t, duke shkruar: “Mirë se erdhe në shtëpi”. Në këtë postim, ai tregoi edhe emrin e bebit, Jack Blues.
Çifti u martua në 2018-ën dhe në maj të këtij viti, publikuan në rrjetet sociale se do të bëheshin prindër.
Artikuj të sugjeruar:
