Njëherë e një kohë, Jennifer Lopez dhe Ben Affleck vendosën që të shpenzonin 60 milionë dollarë për të blerë një rezidencë gjigante në Beverly Hills. Rreth një vit më vonë, ata u ndanë, duke e lënë shtëpinë të braktisur. Ben mori plaçkat dhe u largua, ndërsa Jen po mundohet të gjejë një shtëpi të re.

Me shumë të drejtë do pyesni se “pse s’jeton Jen te kjo shtëpi?” dhe ne e kemi përgjigjen. Një burim për People tha se ylli i “Atlas” nuk ndihet rehat në këtë shtëpi.

“Ajo dhe Ben e blenë shtëpinë për të gjithë familjen. Shtëpia është shumë e madhe për Jen, plus, e mbushur me shumë kujtime”, u shpreh personi anonim.

Në të njëjtën kohë, Jenny from the Block vijon të jetë jashtëzakonisht e trishtuar dhe e zhgënjyer për divorcin nga aktori. “E ka goditur fort divorci. Ajo është shumë e mërzitur dhe e zhgënjyer nga Ben”, u shpreh një burim për People.

Dikush tjetër tha: “Jennifer kaloi shumë kohë duke u kujdesur që Ben të ishte i lumtur dhe të kishte gjithLka dëshironte. Ajo u kujdes për të thuajse si fëmijë. Miqtë e rikujtonin shpesh që ajo nuk ka përgjegjësi për ndjesitë e tij. Ai ka luhatje humori dhe mund të jetë shumë i errët në periudha të ndryshme. Jennifer e sheh jetën në një tjetër këndvështrim. Ajo është mirënjohëse për gjithçka.

Nejse, Jen, Ben, unë për shembull s’do i kisha problem kujtimet tuaja, mund të ma lini mua shtëpinë.

Artikuj të sugjeruar: