Festivali i muzikës dhe arteve, “Coachella Valley Music and Arts Festival”, ka shpallur listën e artistëve për vitin 2025 dhe surprizat janë të mëdha. Emrat kryesorë që do të performojnë janë Lady Gaga, Travis Scott, Post Malone dhe Green Day. Festivali do të mbahet, si zakonisht, në “Empire Polo Club”, Indio, Kaliforni, më datat 11-13 prill dhe 18-20 prill 2025.

Lady Gaga do të jetë në krye të natës së parë, duke sjellë energjinë dhe spektaklin e saj të zakonshëm. Ajo do të shoqërohet nga artistë të tjerë si Missy Elliott, LISA, FKA Twigs dhe Three 6 Mafia.

Dita e dytë rezervon një rikthim të fuqishëm për Green Day, ndërsa Travis Scott, do të performojë për herë të parë që nga përballjet e fundit me ngjarjet e mëparshme. Këtë natë do të jenë edhe Charli XCX, The Original Misfits, Gustavo Dudamel & LA Phil dhe shumë të tjerë.

Të dielën, Post Malone dhe Megan Thee Stallion do të përmbyllin festivalin me performanca të jashtëzakonshme. Listës së tyre i bashkohen emra të tjerë si Jennie nga BLACKPINK (si artiste solo), Zedd, Kraftwerk dhe Polo & Pan.

Festivali i këtij viti sjell një përzierje fantastike zhanresh, me artistë si:

Missy Elliott, MARINA, The Go-Gos dhe GloRilla (nata e parë). Anitta, Shoreline Mafia, Clairo dhe Jimmy Eat World (e shtuna). Beabadoobee, Arca, Rema dhe Amaarae (e diela).

Fansat e muzikës do të kenë mundësi të përjetojnë performanca të paharrueshme nga artistët më të dashur të momentit dhe legjendat e muzikës.