Pas lajmeve se “Eras Tour” i sapopërfunduar i Taylor Swift fitoi më shumë se 2 miliardë dollarë, tani po raportohet se superylli ndau 197 milionë dollarë nga kjo sasi për punonjësit e turneut si bonus mbi pagat e tyre të rregullta.

Shifra prej 197 milionë dollarësh tregon se pothuajse 10% e brutos së përgjithshme të turneut u nda në bonuse për anëtarët e ekipit.

Artikulli thotë se të gjithë ata që punuan në “Eras Tour” ishin marrës të disa prej këtyre shumave të mëdha, duke përfshirë "shoferët e kamionëve, furnizuesit e  ushqimeve, teknikët e instrumenteve, ekipi tregtar, ndriçimi, zëri, stafi dhe asistentët e prodhimit, marangozët, kërcimtarët, banda, siguria, koreografët, mjetet piroteknike, makineritë, flokët, grimi, gardëroba, terapistët fizikë dhe ekipi i videove.”

Nuk është hera e parë që raportohet për prirjen e saj për bonuse, edhe pse kjo eklipson shifrën e dhënë më parë.

Në gusht 2023, kur Swift përfundoi turneun e parë amerikan të turneut botëror, People raportoi se ajo kishte dhënë 55 milionë dollarë bonuse.