Stili nordik është i lehtë për t'u veshur, madje mund të na sjell gëzim. Të paktën, kështu shprehen besnikët e këtij stili.
“Gratë në Suedi dhe Norvegji përdorin modën për të luftuar ndjenjat e depresionit dhe pagjumësisë që mund të vijnë nga ditët shumë të errëta dhe të ftohta”, shprehet Martha Beck.
Njerëzit janë fiksuar pas stilit skandinav, sepse përvetësohet me lehtësi pa humbur identitetin.
Për kritikët e modës si Borrelli-Persson, stili “Scandi-girl" ka shkuar përtej tendencave mjaft popullore si #BarbieCore dhe #QuietLuxury për t'u bërë një lëvizje më e madhe e modës.
Diferenca mes stilit skandiav ndaj tendencave të tjera është se tejkalon disa standarde të rrënjosura prej kohësh. Duket se ekziston një ide që kur është ftohtë, duhet të dukesh i veshur shumë trashë dhe me ngjyra si gri apo të zeza.
Por stili i vajzave skandinave sjell gëzim gjatë dimrit, duke eksploruar me pallto shumëngjyrëshe.
Të tilla veshje me kombinime ngjyrash duket se i bëjnë më të bukura ditët gri të dimrit.
Po ashtu, mënyra se si dizajnerët nordikë përdorin ngjyrat për t'i dhënë syrit diçka komplekse dhe emocionuese është e qëllimshme.
Zgjedhja e printimeve dhe ngjyrave të mrekullueshme është një mënyrë për “të sjellë diell” për botën përmes veshjeve.
Thjeshtësi, rehati, funksionalitet
Stili danez është shumë i rrënjosur në thjeshtësinë, prakticitetin dhe funksionalitetin. Në një botë ku koleksionet e modës shpesh duken të ekzagjëruara, stili skandinav na sjell atë që na duhet: rroba të bukura, por praktike.
Artikuj të sugjeruar:
