Bianca Censori nuk do të përballet me pasoja ligjore për veshjen e saj krejtësisht transparente gjatë tapetit të kuq të çmimeve Grammy 2025.

Burime nga Departamenti i Policisë së Los Angelos thanë për TMZ se askush nga të pranishmit në Crypto.com Arena mbrëmjen e së dielës nuk ka bërë ndonjë ankesë zyrtare për veshjen (ose mungesën e saj) nga bashkëshortja e Kanye West.

Gjithashtu, burimet theksuan se ceremonia e përvitshme e Grammy-ve është një ngjarje private.

“Edhe pse veshja e znj. Censori padyshim që e shtyu kufirin e provokimit, një akuzë për ekspozim të pahijshëm në Kaliforni kërkon një ekspozim të qëllimshëm të organeve gjenitale me synimin specifik për të fyer ose për të nxitur eksitim seksual,” shpjegoi avokatja me bazë në Los Anxhelos, Andrea Oguntula, për Page Six.

“Teorikisht është e mundur, por e pamundur që ajo të përballet me ndonjë ndjekje penale për këtë incident,” shtoi ajo, duke theksuar se kjo do të ishte në dorën e zyrës së prokurorit.

Sipas TMZ, si Anschutz Entertainment Group, Inc. (AEG Worldwide) ashtu edhe Akademia e Regjistrimeve kishin staf sigurie të pranishëm kur West dhe Censori mbërritën në eventin më të madh muzikor të vitit.

Artikuj të sugjeruar: