Kendrick Lamar, një nga artistët më të suksesshëm të kohëve të fundit, nuk kishte se çfarë të provonte në spektaklin e shumëpritur në Super Bowl halftime show - shfaqja pas pjesës së parë në ngarjen më të rëndësishme të futbollit amerikan - por kjo nuk e pengoi reperin të dhuronte një perfomancë legjendare.

Pasi fitoi çmime Grammy një javë më parë – saktësisht pesë të tilla për superhitin “Not like us” – Kendrick Lamar u bë reperi i parë që performon solo në Super Bowl.

Ai e nisi performancën me “wacced out murals” dhe “Bodies”, më pas kaloi te një sërë hitesh, duke përfshirë  “Squabble up”, “Humble”, “DNA”, “Luther”, “All the Stars” etj.

Disa fansa vunë në dyshim nëse Lamar do të përdorte skenën e Super Bowl për të rikthyer diss-in me Drake, objektivin e këngës së tij tashmë ikonike “Not Like Us”. Po, e performoi – dhe me një buzëqeshje në fytyrë.

Drake me siguri nuk është fare i lumtur.