Madonna i është rikthyer sërish fotove provokuese me rastin e sesionit të saj fotografik për revistën “CR Fashion Book”.

Në fotot e postuara në Instagram, 66-vjeçarja është fotografuar me një murgeshë dhe një armë mes këmbëve. Fillimisht, murgesha duket se është duke pirë duhan me Madonën, pasi e ka ndezur cigaren me çakmak, e më pas e puth këngëtaren.

Vetë Madonna në mbishkrimin e postimit i referohet marrëdhënies së saj me vdekjen dhe...varrezat.

“Kur isha fëmijë nëna ime vdiq. Varrezat më emocionuan. Nuk kisha frikë nga vdekja, sepse e dija se kjo do të ishte e vetmja mënyrë për të qenë përsëri me nënën time. Ndërsa jeta vazhdonte, humba disa njerëz që i doja shumë dhe fillova ta shoh vdekjen si një derë për në jetën e përjetshme”, ka shkruar ajo.