“Anora” ka triumfuar në Oscars 2025 duke bërë histori si një film me buxhet të ulët (6 milionë dollarë) që fiton çmimet kryesore.

“Anora” rrëmbeu pesë çmime, duke përfshirë “Filmi më i mirë”, “Regjisori më i mirë” dhe “Aktorja më e mirë” për yllin 25-vjeçar, Mikey Madison.

Regjisori Sean Baker gjithashtu fitoi Oscar për “Skenarin më të mirë origjinal” dhe “Montazhin më të mirë”, duke u bërë personi i parë që fiton katër çmime Oscar brenda një nate për një film të vetëm.

Madison luan rolin e Anora-s, por të gjithë e thërrasin Ani dhe është një punonjëse seksi në një club të famshëm. Ajo njihet me djalin e një oligarku rus, i cili përpos se do të bëjë vetëm qejf, është jashtëzakonisht i papjekur dhe i papërgjegjshëm.

Regjisori Baker, në fjalimin e tij, falenderoi punonjëset e seksit. “Ato kanë ndarë historitë e tyre, kanë ndarë përvojat e tyre të jetës ndër vite, respektin tim më të thellë, e ndaj këtë me ju,” tha ai.

25-vjeçarja Madison, e cila mundi Demi Moore për “The Substance” e konsideroi momentin "shumë surreal" në fjalimin e saj. “Unë gjithashtu dua të vlerësoj komunitetin e punonjësve të seksit,” tha ajo. "Unë do të vazhdoj t’ju mbështes.”

Artikuj të sugjeruar: