Marsi do të theksojë fuqishëm menaxhimin e financave dhe gjetjen e mënyrave të reja për të rritur të ardhurat apo kursimet. Hëna e re e 27 shkurtit kishte një ndikim shumë pozitiv dhe do ta ndjesh mesazhin e saj në fillim të marsit, si dhe në muajt në vijim. Kjo Hënë e re erdhi me një energji të madhe në sektorin tënd të të ardhurave. Nëse je në kërkim të një pune të re apo një burimi tjetër fitimi, ka shumë gjasa ta gjesh.

Saturni tregon se mund të kesh pasur vështirësi financiare së fundmi, por kjo Hënë e re po vjen në momentin e duhur për ta ndryshuar situatën. Ndërkohë, Plutoni në Ujor do të mbështesë çdo plan që lidhet me shtëpinë ose pronën tënde, ndërsa Jupteri do të të shtyjë të zgjedhësh materiale cilësore për çdo përmirësim që dëshiron të bësh. Ky eklips në boshtin Dash-Peshore është momenti më i mirë i 2025-ës për të nisur plane për përmirësimin e kushteve të jetesës. Mund të vendosësh të zhvendosesh më afër punës ose, nëse punon nga shtëpia, të krijosh një hapësirë të re komode për të punuar. Nëse nuk e ke prioritet ndryshimin e ambientit, mund të ndihmosh një prind apo një të afërm të moshuar, i cili do ta vlerësojë shumë gjestin tënd.

Me hyrjen e Uranit në shenjën e Binjakëve nga 7 korriku deri më 7 nëntor 2025, gjërat do të fillojnë të stabilizohen. Edhe pse lëvizja e Uranit do të jetë e përkohshme, ai do të kthehet përfundimisht në shenjën e Binjakëve më 25 prill 2026 dhe do të qëndrojë aty për gati shtatë vjet - kjo do të jetë një periudhë shumë më e favorshme për ty.

Eklipsi hënor i 13 marsit në Virgjëreshë do të të kërkojë të përmbyllësh një çështje financiare, ndoshta duke paguar një detyrim të prapambetur. Me Saturnin pranë Diellit, duket se ky detyrim është një angazhim që ke marrë më parë dhe tani është koha për ta shlyer. Mund të jetë një faturë e lartë, një këst kredie apo një borxh që ke marrë. Megjithatë, edhe pse Saturni mund të të vërë në vështirësi, Uranin e ke në anën tënde dhe ai mund të sjellë ndihmë të papritur - qoftë nga familja, qoftë nga shitja e një prone apo sendi me vlerë. Marsi do të mbrojë punën dhe qëndrueshmërinë tënde financiar, duke të dhënë durimin dhe vëmendjen e nevojshme për të menaxhuar çdo projekt të ndërlikuar.

Eklipsi diellor i 29 marsit në Dash mund të të sjellë një marrëveshje apo një kontratë për një ide të re dhe origjinale, për të cilën mund të kesh diskutuar prej kohësh. Kjo Hënë e re është jashtëzakonisht pozitive, pasi Plutoni do të bashkëpunojë me Mërkurin, i cili lidhet me ligjet dhe marrëveshjet - duke të ndihmuar të sigurosh një kontratë të favorshme. Ndërkohë, Jupteri do të mbështesë krijimtarinë tënde dhe do të sigurojë që puna dhe të ardhurat të vazhdojnë me ritme të mira.

Marsi nuk është më në prapavijë (nga 6 dhjetori 2024 deri më 23 shkurt 2025), por Afërdita do të jetë në prapavijë nga 1 marsi deri më 12 prill. Afërdita sundon çështjet e pronës dhe ligjeve në hartën tënde dhe lidhet me paratë në mënyrë universale. Nëse është e mundur, shmang firmosjen e kontratave derisa të kalojë kjo periudhë, ose akoma më mirë, prit deri pas Hënës së re më 26 maj - muaji maj do të jetë me fat për ty. Megjithatë, nëse situata nuk pret, sigurohu të shqyrtosh çdo detaj dhe të konsultohesh me një jurist përpara se të firmosësh.

Është periudha që ke ditëlindjen dhe planetët po organizojnë një festë mirëseardhjeje për një vit të mbarë! Hëna e re e 27 shkurtit ka krijuar një energji të fuqishme me Diellin, Mërkurin, Saturnin dhe Neptunin në shenjën tënde. Ndaj, ndërsa hyn në mars, do ta ndjesh se ke kontrollin dhe mbështetjen e universit. Marsi, në harmoni me Mërkurin, Saturnin dhe Neptunin, do të ndezë imagjinatën tënde, duke të nxitur të eksplorosh anën tënde krijuese më të thellë. Jupteri do të sjellë fat në çështjet që lidhen me shtëpinë, pronën dhe familjen.

Eklipsi hënor i 13 marsit do të të vendosë përpara një vendimi të rëndësishëm për një partner, qoftë në dashuri apo në biznes. Saturni tregon se ky vendim do të ketë pasoja afatgjata - nëse ke qenë në një lidhje të qëndrueshme, mund të vendosësh të fejohesh, të martohesh ose të bashkëjetosh. Nëse je i/e martuar, mund të marrësh një vendim për fëmijët apo për një shtatzëni.

Por nëse lidhja ka qenë problematike, ky eklips do të të bëjë të ndjesh se nuk mund të vazhdosh më kështu. Një koment i vogël ose një zbulim i rastësishëm mund të jetë pika e kthesës. Në aspektin profesional, mund të punësosh një bashkëpunëtor me përvojë - si një agjent, publicist, avokat apo mjek specialist. Kujdes shëndetin, pasi mund të ndihesh i/e lodhur nga gjithë ky presion.

Nëse një projekt krijues ka filluar të dalë jashtë shtratit, do të të duhet të vendosësh nëse do t’i japësh më shumë kohë e para, apo do ta çosh në një drejtim të ri. Eklipsi diellor i 29 marsit në Dash do të sjellë një burim të ri të ardhurash. Mund të të duhet të heqësh dorë nga një burim tjetër për të pranuar këtë mundësi të re. Marsi, në një pozicion të shkëlqyer për ty, do të të ndihmojë të krijosh qëndrueshmëri financiare. Afërdita, ndonëse në prapavijë, do të të japë përparësi.

Copyright Anabel.al / Ndalohet ribotimi pa lejen e redaksisë.