Nëse do t’ju thonim se mund të vishni fustane nga marka luksoze si Maria Lucia Hohan, Zimmermann, Alessandra Rich, Magda Butrym, Christopher Esber, Victoria Beckham etj., për një event të veçantë, pa e zbrazur të gjithë kuletën - do të na besonit? Po, e kemi fjalën për The EVE! Ky showroom është shumë më tepër sesa një vend ku mund të gjeni fustane me qira nga marka luksoze; është një botë që ju fton të ndiheni të veçanta e të paarritshme që nga momenti që hidhni një hap brenda tij.

Gjithçka nisi nga një ide e thjeshtë. Në fillim, vetëm 34 fustane, një numër që tani e shihni të vendosur në showroom si një simbol i fillimeve modeste dhe i suksesit që pasoi. Themeluar nga Nensi Domnori – e apasionuar pas modës, njohëse e markave deri në detaje dhe personal shopper i parë në Shqipëri – The EVE u krijua për t’u ardhur në ndihmë vajzave që kërkojnë fustanin perfekt për një mbrëmje të veçantë apo event të rëndësishëm. Fustanin që jo vetëm u rri për mrekulli, por i bën të ndihen elegante, të sofistikuara dhe të pandalshme në çdo rast.

“Edhe kur e gjejmë, jemi konfuze nëse duam të shpenzojmë një shumë të konsiderueshme për diçka që me shumë mundësi do e veshim vetëm një herë,” thotë Nensi për Anabel. Falë The EVE, nuk do të duhet të bëni kurrë kompromis mes stilit dhe buxhetit tuaj.

Përveç fustaneve të paharrueshme nga markat më të famshme, The EVE ofron një përvojë luksoze që bën të mundur ndjenjën e ekskluzivitetit dhe veçantisë. Showroom-i është krijuar për t’ju bërë të ndiheni si një yll pasarele. Çdo detaj, nga ambienti i përzgjedhur deri te shërbimi personalizuar, është krijuar për të ofruar luksin që meritoni.

“Ky showroom është një dritare drejt një bote që e dua pafund,” thekson Nensi. “Çdo detaj është menduar për të krijuar një përvojë të veçantë – nga fustanet më mbresëlënëse për evente dhe darka, te trajtimi i personalizuar dhe konsulenca e dedikuar për çdo kliente. Do ta quaja një përvojë unike.”

Për më tepër, mund të rezervoni takime private, ku çdo detaj është përshtatur për nevojat dhe dëshirat tuaja. Minibari me pije të ndryshme – që ju ndihmon të përjetoni një ndjenjë festive – e bën këtë vizitë edhe më speciale.

Në The EVE, fustanet janë më shumë se thjesht pjesë e gardërobës; janë copëza kujtimesh që mbajnë histori. Për dasmën e shoqes, një darkë gala apo një event i paharrueshëm - çdo fustan mund të jetë i juaji, pa shpenzuar më shumë se duhet.

“Are you EVE’n ready?” është pyetja që do t’ju shoqërojë çdo herë që vizitoni The EVE. A jeni gati të shkëlqeni, të ndiheni të veçanta dhe të përjetoni luksin që meritoni?

Po, sepse për The EVE, çdo vajzë është një yll dhe meriton të shkëlqejë!