Familja e Meghan Fox është rritur! Aktorja solli në jetë fëmijën e saj të katërt të enjten. Vajza që erdhi në jetë është edhe fëmija i parë me ish-partnerin, Machine Gun Kelly.
Lajmin emocionues e njoftoi Kelly përmes një postimi në Instagram. Këngëtari ka postuar një video të vogëlushes së porsalindur, ndërsa shkruan:
"Më në fund është këtu!!!" Fara jonë e vogël qiellore," shkroi Kelly në mbishkrim, duke shtuar datën e lindjes së vajzës së tyre "03/27/2025".
Në videon bardh e zi, këngëtari shihet duke mbajtur dorën e të porsalindurës.
View this post on Instagram
Meghan Fox dhe Machine Gun Kelly, të cilët u fejuan në janar të vitit 2022, u ndanë në fund të nëntorit 2024, pak pasi njoftuan shtatzëninë. Aktorja tashmë është nënë e tre djemve, Noah, Bodhi dhe Journey, të cilët i solli në jetë nga martesa me ish-bashkëshortin, Brian Austin Green.
Pasi lidhja e aktores me këngëtarin përfundoi, një burim i afërt me të tha për “People” se Fox dhe Kelly nuk kishin asnjë komunikim.
"Ata u përpoqën t'i bënin gjërat të funksiononin për shumë vite. Ishte rraskapitëse për Meghan. Ajo e ka mbyllur tanimë këtë kapitull dhe thjesht dëshiron të fokusohet tek djemtë e saj."
Dhjetorin e kaluar, një burim i tha “People” se aktorja është mirënjohëse për mbështetjen që po merr nga ish-bashkëshorti i saj, Brian Austin Green dhe e fejuara e tij, Sharna Burgess, teksa përballet me ndarjen nga Machine Gun Kelly.
Artikuj të sugjeruar:
