Po po, e lexove saktë. Nga data 11 deri më 13 prill, Sheshi Italia shndërrohet në epiqendrën më të re të kulturës urbane, muzikës, artit dhe teknologjisë. MUSE-X nuk është thjesht një event, është expo-festival-i që s’e ke parë kurrë më parë në rajon.
Me mbi 100 kompani, artistë, festivale ndërkombëtare dhe profesionistë të industrisë nga Britania e Madhe, Evropa dhe Rajoni – MUSE-X është vendi ku arti takohet me biznesin, ku kreativiteti shpërthen në çdo cep, ku gjithçka lidhet në emër të një industrie që po kërkon formë dhe zë: industria kreative shqiptare.
Nga konferenca me përfaqësues të MDLBEAST Records, EXIT Festival, WOMEX e shumë të tjerë, tek TED-talks dhe sesione inspiruese që hedhin dritë mbi potencialin real të muzikës dhe industrive kreative në Shqipëri – ky është vendi ku ndodhin bisedat që ndërtojnë të ardhmen.
Dhe mos harro: një film studio do të jetë aktive përgjatë 3 ditëve për intervista, panele, përmbajtje kreative dhe për të dokumentuar çdo çast historik të kësaj ngjarjeje!
Mbrëmjet? Një tjetër histori.
11 Prill – Electronic Night: DUBFIRE live në Tiranë! Së bashku me Petar Dundov, Egorythmia, dhe një spektakël unik ku pianot klasike takojnë DJ-të, ndërsa akrobatët fluturojnë mbi ritme.
12 Prill – Hip-Hop Night: BUTA, Doza dhe një kor profesionist, The Beat Killers në një flashmob spektakolar, Killua, LaFazani dhe shumë të tjerë në një natë që shpërthen energji.
13 Prill – Rock Night: Eugent Bushpepa, Jericho, Bojken Lako, Tre Musketierët dhe Gjergj Kaçinari — një superfinale për të mbyllur gjithçka me flakë e kitara!
Nëse mendon se kjo është gjithçka, pret derisa të shohësh:
DJ Battles & Production Battles
Ring për betejat e freestyle-ëve
Fashion Shows me stilistë të rinj e të guximshëm
Jam Sessions e Performanca Surprizë
Pavijonë interaktivë
Dhe një Muse-X Village që do të jetojë si një qytet brenda qytetit.
MUSE-X nuk është një datë në kalendar – është një moment.
Një eksperiencë që nuk përsëritet.
Një ngjarje që do të flitet gjatë.
Rezervo biletën tënde. Më 11-13 Prill, shihemi në Sheshin Italia.
