Katër edicione, katër opinioniste të ndryshme, një traditë tashmë për “Big Brother VIP Albania”, ku gjithçka ndryshon përveç një figure që mbetet stoike: Arbër Hajdari. Ai ka qenë i pranishëm në të katër sezonet si opinionist, ndaj dhe nuk u përfshi në sondazhin tonë, që iu dedikua vetëm bashkëopinionisteve të tij ndër vite.

Sipas votimeve të lexuesve tanë, Zhaklin Lekatari ka dalë si opinionistja më e preferuar, duke marrë 42% të votave. Pavarësisht polemikave që shkaktoi në rrjet apo në studio, duket se qëndrimet e drejtpërdrejta dhe analiza sociale që solli Zhaklina, janë vlerësuar gjerësisht nga ndjekësit.

Në vendin e dytë, me 27%, renditet Balina Bodinaku, opinionistja e parë e këtij formati, e cila kishte analiza të qeta dhe politikisht korrekte.

Ori Nebijaj, opinionistja e sezonit të tretë, renditet në vendin e tretë me 17%. E ardhur nga politika dhe media, Ori solli një stil të moderuar dhe të butë, që mesa duket nuk mjaftoi për ta ngjitur më lart në renditje.

Në fund të listës qëndron Neda Balluku, opinionistja e sezonit të fundit, me 15% të votave. Me një profil serioz dhe me përvojë në trajtimin e çështjeve sociale, duket se Neda ende nuk ka arritur të krijojë një lidhje të fortë me shumicën e ndjekësve të formatit.