Emily Ratajkowski vuri në dukje së fundmi se udhëtimi i Katy Perry në hapësirë nuk dukej të kishte ndonjë qëllim domethënës.
Modelja shprehu hapur mendimet e saj për kompaninë hapësinore të Jeff Bezos, Blue Origin, e cila dërgoi gjashtë gra, duke përfshirë Katy Perry-n, në hapësirë. Fluturimi me anijen kozmike New Shepard zgjati rreth 11 minuta gjithsej dhe përfshinte edhe emra të tjerë të njohur si gazetarja Gayle King dhe e fejuara e Bezos, Lauren Sánchez.
“Ky misioni hapësinor i mëngjesit? Është një çmenduri. Është përtej çdo parodie,” tha Ratajkowski në një video në TikTok. “Thonë se kujdesen për Nënën Tokë, se kjo po bëhet për Tokën, ndërkohë që ngjiten në një anije kozmike të ndërtuar e financuar nga një kompani që po e shkatërron vetë planetin?”
Ajo vazhdoi: “Shikoni gjendjen e botës dhe mendoni sa burime janë harxhuar për t’i dërguar këto gra në hapësirë. Për çfarë?“
“Dhe pastaj përpiqen ta shesin si diçka të madhe…” - tha modelja, para se shtonte. “Jam e neveritur. Sinqerisht, e neveritur.”
Pikëpamja e Ratajkowski-t qëndron. Administrata Kombëtare Oqeanike dhe Atmosferike (NOAA) kreu një studim në vitin 2022, ku u zbulua se rritja e madhe e fluturimeve në hapësirë nga kompani turistike si Blue Origin mund të dëmtojë shtresën e ozonit.
Edhe pse nuk është e qartë sa ka kushtuar gjithë kjo sipërmarrje, me gjasa ka qenë jashtëzakonisht e kushtueshme. Gjithashtu nuk është bërë e qartë pse këto gjashtë gra u zgjodhën për të shkuar në hapësirë. Departamenti i marketingut të Blue Origin duket se dëshiron ta paraqesë si një fitore të madhe për fuqizimin e grave, pasi ishte hera e parë në mbi 60 vjet që gratë udhëtonin të vetme në hapësirë.
Ratajkowski nuk ishte e vetmja që pati këtë qëndrim. Videoja e saj në TikTok mori mijëra komente dhe shumë njerëz ndanë të njëjtat shqetësime. Shumë e cilësuan udhëtimin si “jashtë çdo realiteti” dhe vunë në dukje se kompania tjetër e Bezos, Amazon, kishte anuluar disa programe mbi barazinë dhe gjithëpërfshirjen, duke e bërë gjithë këtë "nismë feministe" tepër hipokrite.
“Po qesh me faktin që Katy Perry mendon që ky ishte kulmi i feminizmit, sikur askush nuk ka bërë më shumë për gratë sesa ajo duke hipur në atë raketë,” tha një përdorues në TikTok. “U hoqën sikur ishte një fitore për gratë. Paratë që u përdorën për t’i çuar në hapësirë mund të ishin përdorur për të ndihmuar realisht gratë në kaq shumë mënyra,” shkroi një tjetër.
“Ato para mund të ishin shpenzuar për çfarëdo grupi tjetër të margjinalizuar! Nëna beqare, fëmijë, shërbime për shëndetin mendor, njerëz me sëmundje kronike etj.,” shtoi dikush tjetër në TikTok.
