Katy Perry thuhet se ka shfaqur shenja pendese lidhur me fluturimin e saj në hapësirë të hënën e kaluar, pasi po përballet me një valë komentesh negative dhe teorish konspirative.

Katy Perry, Lauren Sanchez dhe katër gra të tjera përfunduan misionin e tyre në hapësirë, misioni i parë tërësisht me gra, në bordin e raketës “Blue Origin” të Jeff Bezos. Ekuipazhi udhëtoi për 11 minuta, duke arritur një lartësi 100 kilometra dhe duke kaluar vijën Kármán, kufiri zyrtar i hapësirës.

Ky udhëtim u reklamua dhe u promovua si një mesazh i fortë i fuqizimit të grave në shoqëri, duke dhënë mesazhin se edhe gratë munden të arrijnë misione të vështira të vetme.

Megjithatë, shumë njerëz e kritikuan negativisht këtë mision. Në rrjet pati polemika të forta për koston e lartë të udhëtimit, ndikimin mjedisor dhe veprimet që u cilësuan si të pavenda nga 6 gratë e ekuipazhit.

Katy Perry-t iu bashkuan Gayle King, Lauren Sanchez, shkencëtarja e raketave të NASA-s Aisha Bowe, producentja e filmit Kerianne Flynn dhe aktivistja Amanda Nguyen në fluturimin e financuar nga Jeff Bezos.

Por, tanimë raportohet se ajo ka mendime të dyzuara – jo për vetë misionin, por për mënyrën sesi gjithçka u interpretua.

Një burim pranë këngëtares pohoi në një raportim të Daily Mail: 

"Katy nuk pendohet që shkoi në hapësirë. Ishte diçka që i ndryshoi jetën. Asaj i vjen keq për rrjedhën që mori e gjithë gjëja. Nuk i priste kurrë këto reagime dhe ndihet e zhgënjyer nga reagimi i paprovokuar. Pavarësisht akuzave, ajo vazhdon të dashurojë dhe të luftojë për mjedisin."

Emri i burimit pranë saj nuk bëhet i ditur, ndërsa këngëtarja nuk ka komentuar publikisht për këtë çështje.

Burimi: Marie Claire

Artikuj të sugjeruar: