Pamela Anderson ka rikthyer në vëmendje një nga historitë më të diskutueshme të së kaluarës së saj, atë me Sylvester Stallone, duke e akuzuar sërish publikisht për një propozim paksa të pazakontë.
Gjatë një paraqitjeje në emisionin "Watch What Happens Live with Andy Cohen", ish-ylli i "Baywatch" u përball me një sfidë, ku nuk kurseu as detaje nga romancat e kaluara, renditjen e ish-bashkëshortëve dhe, më pikantja, zënkën me Stallone.
Sipas Pamela-s, Stallone i kishte propozuar të bëhej “vajza e tij numër një”, duke i ofruar një apartament dhe një Porsche. Kur moderatori e pyeti për reagimin e Stallone-s pas publikimit të dokumentarit "Pamela, A Love Story" në 2023, ku për herë të parë ajo ndau këtë histori, ajo u përgjigj prerë:
“Po si mund ta shpikje një gjë të tillë? Ishte shumë specifike.”
Stallone, nga ana e tij, i ka mohuar këto pretendime përmes përfaqësuesve të tij, duke i quajtur të pavërteta dhe të sajuara. Megjithatë, Pamela ka qenë e qartë se gjithmonë ka kërkuar "dashuri të vërtetë" dhe s’ka pranuar kurrë të bëjë kompromis për më pak.
Ndërkohë që romanca me Stallone nuk ndodhi kurrë, Pamela duket se është në një lidhje premtuese me Liam Neeson, partneri i saj në filmin e ri "The Naked Gun". Thashethemet për lidhjen e tyre janë gjithnjë e më të zëshme dhe sipas një burimi për People, "është një romancë që sapo ka nisur, por duket e sinqertë dhe ata janë realisht të fiksuar pas njëri-tjetrit".
Pamela mbetet Pamela, asnjëherë e zakonshme dhe gjithmonë me një histori për të treguar.
-
-
-
-
-
-
Pamela Anderson: “Nuk dua të jem më seks simbol, jam lodhur!”
10 Nëntor, 17:26
