Duket i pastër, ndoshta edhe i parfumosur, por këllëfi i jastëkut është ndoshta më i pistë se një ndenjëse tualeti. Po, e lexuat mirë...
Në verë, kur trupi prodhon më shumë djersë gjatë natës, jastëku (dhe gjithçka që ka mbi të) kthehet në një “shtëpi” ideale për baktere, kërpudha dhe qeliza të vdekura të lëkurës.
Sa rëndë është situata?
- Sipas studimeve, një këllëf jastëku mund të ketë rreth 17,000 koloni bakteresh.
- Nëse nuk e ndërron për një javë? Përgatitu për deri në 3 milionë baktere.
- Një jastëk i zakonshëm ka deri në 16 lloje të ndryshme kërpudhash. Shumë prej tyre mund të shkaktojnë astmë, alergji apo infeksione të lëkurës.
Ekspertët thonë se gjatë verës, trupi humbet nga 500 deri në 700 ml djersë çdo natë. Rreth 200 ml përfundojnë direkt në çarçafë, pizhame dhe jastëk. Nëse s’i lan rregullisht, kjo lagështi i jep jetë merimangave mikroskopike, kërpudhave dhe një koleksioni bakteresh që s’do të doje t’i kishe shokë gjumi.
Gabimi më i madh? Të rregullosh krevatin sapo zgjohesh. E dimë, duket bukur, por duke mbuluar jastëkët me batanije/çarçaf, bllokon lagështinë që duhet të thahet. Kjo krijon “spa” ideale për mikrorganizmat.
Si të shpëtosh (dhe të flesh pa ankth):
1. Ndërro këllëfët 2-3 herë në javë gjatë verës
2. Përdor vetëm materiale pambuku, jo poliester
3. Lëri çarçafët dhe jastëkët të marrin ajër në mëngjes - mos i mbulo menjëherë
4. Laji rregullisht jastëkët, jo vetëm këllëfët (shumë prej tyre lahen në lavatriçe)
5. Mos flini me flokët e lagur dhe pa hequr make-up-in
