Tani filloi loja miq! Na humbën mbi 2 javë gjatë procesit, por ç't'i bësh, duhet të jetë e vështirë të bësh Big Brother 5 vite rresht. Ja ç'ndodhi dje, e përmbledhur:
#1. Eliminohet Armela pa nisur akoma mbrëmja
Ende mister pse e larguan si armike të popullit të shkretën dhe argumenti i figurantit nuk vlen sepse kishte një radhë të tërë me të tillë para Armelës.
#2. Keijsi bullizon Kristin për gjininë
Kështu tha Arbri të paktën. Çfarë ta quajmë dikë që ka fobi lloje të caktuara të gjinisë së vet? Mashkullofob?
I tillë është Keijsi që mendon dhe shpreh hapur se Kristi, për më tepër që janë të dy dhe vlonjatë, nuk e përfaqëson mirë gjininë mashkullore, meqënëse ky qenka qëllimi.
Për këtë, tensionet kanë qenë të vazhdueshme gjatë javës, me Keijsin, Senon që s'linin të qetë asnjë moment Kristin, duke kërcitur tenxhere e tiganë teksa ai flinte, duke e ofenduar për pamjen, sjelljen dhe duke vendosur epitete si "zonjusha me fustanellë" etj.. Kristi u duk shumë i prekur në prime prej këtyre dinamikave, por edhe ai s'është se mbeti mbrapa dhe i derdhi një birrë në kokë Keijsit gjatë javës.
#3. E vërteta e kalimit të murit nga Kristi
Thjesht po zgjidhte një rrugë të shkurtër për te Dhoma e Dëshirave. :) Qëllimi kishte qenë për të parë kush do e ndiqte mbrapa, ose siç tha Lore, sepse ai thjesht do dashurinë e tyre.
Dhe askush nuk e ndoqi. S'e dinim që do na bënin të ndienim keqardhje kaq shpejt për Kristin.
#4. Hyn Stelina
Ish-e dashura e Keijsit nga Për'Puthen. Ndonëse Ledioni tha se ka ardhur të luajë vetëm, gjithçka u diskutua me hyrjen e saj, ishte se si do qëndronte ajo në raport me Keijsin. E po, ç'të diskutonin tjetër xhanëm?!
#5. Vjen Armela në studio
Edhe e nxorrën me hov, dhe e lanë 2 orë në prapaskenë të ngratën. E bukura është se Armela tha se s'bënte dot debate të mira për shkak të kapacitetit të banorëve brenda, ndërkohë që iu desh t'i shpjegoheshin 3 fjalë nga Ledioni ngaqë s'i kuptonte.
#6. Hyn ish-i i Brikenës
Megjithëse na doli që 5 mesazhe kanë shkëmbyer bashkë. Tipike e djemve që flasin një herë me një super yll dhe mendojnë se çoç ndodhi. Gjithsesi, momenti më interesant ishte kur në hyrje Mateo e bëri të qartë se ka pëlqim për Brikenën duke thënë se është më e bukura, më e mira, më e sjellshmja në shtëpi e kuru transportua në akuarium ku ndodhej vetëm Stelina, tha se vdiste për brunet. Mirë Mateo, me këtë mendësi, thyej një këmbë!
#7. Trekëndëshi Miri-Selin-Lorna
Një një treshe, ka gjithmonë një të tepërt dhe Lorna këmbëngul se është Selin. Fakti që i mëshon kaq shumë kësaj ideje, tregon se në fakt është vetë ajo e tepërta.
Thotë se s'është xheloze për marrëdhënien e Selin me Mirin, pastaj se në një jetë tjetër ajo dhe Miri do ishin bashkë dhe Selin është shtesë e Mirit, e tjerë, e tjerë. Ndoshta, Selin si shtesë e Mirit i prish lidhjen që Lorna dhe Miri kanë në universin paralel, ku i dihet.
Megjithatë, Miri duket se nuk i mbështet shumë teoritë e Lornës të cilin e nxorri bllof duke zbuluar dje se ajo i kishte thënë se donte të zinte vendin e Selin.
#8. Selin merr një letër të bukur nga babi
View this post on Instagram
#9. Hyn kunata e Selin
Që sërish, Selin tha se thjesht e njihte nga disa bashkëpunime që kishin bërë. Mirë taktika e "ish-të dashurit", po Greta pse duhet të gënjejë për kunatën? :)
#10. Largohet Seno
Nji ma pak.
#11. 3 të rinjtë tërheqin një me vete në akuarium
Duke i shpëtuar dhe nga televotimi. Pritej të tërhiqte gjithsecili të njohurin e vet, po fatkeqësisht s'janë të gjithë kaq interesantë, përveç Mateos, i cili duke e sjellë Brikenën në akuarium, e vendosi menjëherë në siklet, duke e bërë atë të shpjegojë veten (pa ia kërkuar njeri) se NUK KA PASUR ASNJË TË DASHUR!
#12. Televotimi i radhës
Gjithë pjesa tjetër e shtëpisë që s'janë në akuarium. Plot për të zgjedhur. Na surprizoni! * ³*
