Aktori i humorit Rezart Veleshnja postoi një llogarinë e tij në Instagram një video të vjetër në “Portokalli”, me synimin e qartë: Të thumbojë Ermal Mamaqin. Në video shihet ai, Bes Kallaku dhe Renada Caci, duke performuar në një skenë ku lajnë disa motora. Sipas Rezartit, e njëjta skenë është përsëritur në filmin e fundit të Ermalit, “2 Gisht Mjaltë 2”.
Pasi u ka bërë tag aktorëve në skeç, Rezarti nuk e ka kursyer edhe Ermalin.
“@ermalmamaqi po të bëj dhe ty tag se i ke qejf këto skenat tona ti, akoma i praktikon. Më vjen mirë që jemi mentorë për ty! Por sot, në këto ditë që jetojmë, vjedhja është art më vete”, ka shkruar aktori.
View this post on Instagram
Rezarti dhe Ermali kanë pasur një përplasje që lidhet me pagesën e Rezartit në një prej prodhimeve kinematografike të Ermalit. Konflikti u bë publik prej Veleshnjës, i cili deklaroi se Mamaqi i kishte premtuar 9,000 euro dhe nga ato i kishte dhënë vetëm 200, referuar rolit të tij në “2 Gisht Mjaltë 1”.
Ai bëri një reagim në Instastory, ku iu drejtua Ermalit: “Më ke 8800 euro borxh, se 200 m’i dha; 9000 euro ishte roli im. Ermal, të falemenderoj!”.
Më vonë, si i ftuar në podkastin “Albanian Youtubers”, Rezart Veleshnja ironizoi producentin Ermal Mamaqi duke thënë: “Tek Ermali nuk shkoj, se Ermali ka pagesat shumë të larta, dhe më bie të fikët. Është 200 euro për film. Ja 250 kur është ndonjë aktor i madh.”
Vetë Ermali ka bërë një reagim në “Glamour Zone”, ku ka thënë: “Rezartin e kam mik, bëjmë shpesh humor bashkë dhe është e vertetë që i kam dhënë 200 euro sepse ka pasur një skenë shumë të vogël në film, vetëm 1 orë punë. Por, çdo marrëveshje që bëjmë ne dhe ekipi im bëhet para se të shkohet në sheshxhirim, me kontratë ndaj dhe kundërshtitë duhen bërë para jo pasi mbarojnë xhirimet”, u shpreh Ermali.
