Joe Jonas ka nisur një lidhje të re me modelen Tatiana Gabriela, më shumë se një vit pasi përfundoi zyrtarisht divorcin nga Sophie Turner.
“Kanë filluar të shihen me njëri-tjetrin në fund të verës”, zbuloi një burim për Us Weekly, duke shtuar se këngëtari ia ka prezantuar modelen familjes, miqve dhe dy vajzave të tij.
Këngëtari dhe modelja u panë për herë të parë bashkë në shtator, teksa pinin kafe në Los Angeles.
Komenti më i fundit që ai ka bërë në postimin e modeles ka mjaftuar që fansat të aludojnë mbi një romancë mes tyre.
Përpos informacioneve që qarkullojnë, dyshja ende nuk ka reaguar ndaj zërave.
Joe Jonas dhe Sophie Turner, u ndanë në shtator të vitit 2023 pas katër vitesh martesë dhe e finalizuan divorcin një vit më vonë. Ata janë prindër të dy vajzave, Willa, 5 vjeçe, dhe Delphine, 3 vjeçe.
Në maj të vitit të shkuar, këngëtari i Jonas Brothers rrëfeu se ideja për t'iu rikthyer njohjeve të reja pas martesës me Turner e frikësonte.
“Ishte shumë e frikshme dhe intimiduese”, tha ai gjatë një transmetimi në TalkShopLive.
