Ronela Hajati duket se po kalon një periudhë të vështirë në jetën e saj personale, të paktën kështu tregojnë dhjetëra videot e ripostuara prej saj në TikTok. Videot e ripostuara nga artisja flasin për ndarje, zemra të thyera dhe dhimbje, gjë që të lë të kuptosh se me siguri ka përfundur mes saj dhe partnerit të cilin ajo e zbuloi vetëm një muaj më parë.
Mbishkrimet në disa prej këtyre postimeve janë: “Sa shumë dhembi? Aq sa dhe mami im qau për të”, “S’ka hakmarrje sepse thellë brenda meje e di që ai është ende një djalë i ëmbël të cilit i duhet të përballet me problemet e veta”, “Kthehu tek e dashura jote, s’më intereson nëse e mbyllet shumë keq, ajo që kishit ishte shumë e bukur, mos e shkatërro nga pamaturia”.
"Ajo" pranon sakrificën që ka bërë: “Ajo sakrifikoi ëndrrat e saj për të qenë krah tij”, dhe dhimbjen e humbjes: “Jam duke kuptuar që isha aq e dëshpëruar sa nuk po e lusja atë të më donte ende, por të më lejonte mua ta doja ende”. Përplasjet brenda saj janë të hapura: “Isha e lumtur me ty, më fal nëse pasiguritë e mia ndërhynë në marrëdhënien tonë” dhe “Kur dikush pyet për frikën time më të madhe, por unë tashmë të humba, kështu që rri pa folur...”.
Ronela na prezantoi për herë të parë me partnerin vetëm para një muaji, me një foto nga pushimet ku dyshja dukeshin të përqafuar.
Disa ditë më pas, Anabel publikoi ekskluzivisht foto të tyre, duke ecur nëpër Tiranë. Ronela nuk foli kurrë publikisht për lidhjen, pavarësisht zërave që qarkulluan.
