Të gjithë i njohim për imazhin e tyre të kuruar mbretëror, por rezulton se princi William dhe princesha Kate kanë pasur një moment rebelimi të ëmbël në vitin 2010, kur udhëtuan fshehurazi drejt veriut të Uellsit për të marrë pjesë në një festival muzikor në Bangor. Dhe jo për ndonjë koncert klasik mbretëror, por për të parë Rihanna-n, Kesha-n dhe Paramore!
Këtë e zbuloi DJ i BBC Radio 1, Scott Mills, i cili tha për Heat Magazine:
“Më kujtohet kur u shfaqën në Radio 1’s Big Weekend në Bangor. Drejtuesit e dinin, por ne të tjerët nuk kishim asnjë ide, për arsye sigurie. E mbajtën të fshehtë, por ata ishin në skenë anësore, duke parë Rihanna-n. Më pëlqeu që ishin kaq me këmbë në tokë.”
Dhe për të mos e lënë me aq, vetë Scott Mills ka rrëfyer se William i dërgonte shpesh mesazhe emisionit të tij, por sigurisht pa vendosur emrin e tij në fund.
Fakt interesant: vitin e kaluar, William mori me vete fëmijët e tij George dhe Charlotte për të parë Taylor Swift-in në Londër për ditëlindjen e tij! Familja madje takoi Taylor-in dhe të dashurin e saj Travis Kelce në prapaskenë. Dhe po, videot e tyre duke kërcyer u bënë virale.
Burimi: Coventry Live
