Dy shenja që nuk do ta kenë kurrë të vështirë të marrin atë që duan në jetë, sapo të zbulojnë potencialin e tyre të vërtetë, janë Akrepi dhe Peshqit.
Të dy janë të pajisura me një aftësi të jashtëzakonshme për ta bërë realitet çdo dëshirë. Janë shenja magnetike, joshëse dhe shumë simpatike. Kur e kuptojnë fuqinë e sharmit dhe tërheqjes së tyre, asgjë nuk mund t’i ndalë. Me vendosmëri dhe intuitë ata arrijnë gjithçka.
Akrepi
Si shenjë uji, Akrepi është mishërimi i forcës së brendshme dhe vendosmërisë së hekurt. Në astrologjinë tradicionale, ai sundohet nga Marsi, planeti i luftës dhe guximit, duke i dhënë Akrepit një natyrë të patrembur dhe një dëshirë të zjarrtë për sukses. Në astrologjinë moderne, Akrepi udhëhiqet edhe nga Plutoni, planeti i transformimit dhe fuqisë, i cili i jep kësaj shenje një aftësi thuajse hipnotizuese.
Akrepi vjen pas Peshores në rendin zodiakal, çka do të thotë se trashëgon edhe disa nga cilësitë e saj si sharmi dhe ndjeshmëria ndaj bukurisë. Por, me ndikimin e Marsit dhe Plutonit, këto cilësi nuk janë thjesht tërheqëse. ato bëhen të fuqishme, të thella dhe dominuese. Akrepi është i lindur për të udhëhequr, për të ndikuar dhe për të transformuar gjithçka që prek. Kur ndien siguri në vetvete dhe njeh fuqinë e tij të vërtetë, bëhet një forcë e pandalshme në çdo aspekt të jetës.
Peshqit
Peshqit, të sunduar nga Neptuni në astrologjinë moderne, janë ëndërrimtarët e zodiakut, por jo thjesht me kokën në re. Ata kanë një aftësi të rrallë për të kthyer vizionet e tyre në realitet. Neptuni u jep Peshqve një imagjinatë të pasur dhe një intuitë të mprehtë, si dhe një lidhje të veçantë me inteligjencën praktike dhe mendimin logjik.
Ku kombinim unik i ndjeshmërisë dhe zgjuarsisë i bën Peshqit të pazëvendësueshëm në marrëdhënie personale dhe në sferën profesionale. Ata kuptojnë me lehtësi emocionet e të tjerëve dhe janë të gatshëm të sakrifikojnë për ata që duan, çka i bën thellësisht të dashur. Por, sapo ta kuptojnë forcën e karizmës dhe magnetizmit të tyre, krijojnë lidhje domethënëse dhe ndjekin me sukses ambiciet e tyre më të mëdha.
