Turjan Hysko, i ftuar në "The Dalina Show", tregoi se edhe pse s'e kishte bërë me ndonjë dëshirë të madhe Klanifornian, u mërzit për mbylljen e saj. Arsyeja, edhe pse Turjani e shpjegoi me të qeshur, për shumicën e njerëzve do të ishte lënduese:
“U mërzita shumë që u mbyll. Jo për Klanifornian, sepse s’e kisha atë lloj emocioni, por sepse edhe në ato kushte tensioni, prapë ia dolëm ta mbajmë atë bërthamën. Por, mbaroi ajo… po si s’i ra njeri telefonit?”
Më tej, Turjani shpjegoi se me cilët nga aktorët ruan marrëdhëniet më të mira, ndonëse këmbënguli se të gjithë ish-kolegët mbeten të dashur për të:
“Visjani kujtohet, me Albanon flas, më shumë e marr unë se e kam siç kam vëllain. Juli është natyrë shumë e çuditshme. Juli nuk shan, nuk përdhos, por nuk di të thotë fjalë të mira. Me Julin takohem, e kam shumë xhan, mendoj që është mirë ta kesh kështu marrëdhënien me Julin.
Realisht nuk kam për të thënë kurrë një fjalë të keqe përtej një batute. I vetmi person që s’kam folur gjatë, se kjo tani do bëhet lajm, por që kam folur pas ca kohësh, ka qenë Olsi Bylyku, por unë e di sepse, sepse Olsi ka qenë në një periudhë të ngarkuar të vetën.”
Dhe në fund, sado diplomatike t'ju duket, është e admirueshme mënyra se si Turjani vendosi të shprehet publikisht për gjithë personat me të cilët ka punuar:
“Në asnjë moment të jetës time nuk ke për të më dëgjuar mua publikisht të them dicka të keqe, qoftë edhe nëse unë dëgjoj publikisht që këta njerëz kanë folur keq për mua, sepse këta njerëz nuk ka se si në universin tim të jenë të këqinj, përndryshe s’do kisha punuar me ta. Dhe i bie që të jetë dështimi im."
Intervista e plotë në Andale Media:
