U përfol se do të jetë opinioniste në “BBVK”: Reagon Dalina Buzi

Dalina Buzi/ Instagram

 
Prej disa ditësh nëpër portale të ndryshme qarkullon lajmi se Dalina Buzi do të ishte e ulur në kolltukun e opinionistes në edicionin e radhës në “Big Brother VIP Kosova” (dhe ne në Anabel u mërzitëm se pse e morëm vesh nga mediat e tjera).
 
Por, Dalina, ka vendosur t’i japë fund tymnajës në rrjet, duke i përgënjeshtruar aludimet. Përmes një postimi në Instagram, ajo u shpreh:

“Ma keni çuar shumë vetë këtë lajmin, por jo, nuk do të jem opinioniste në “BBVK”. Gjithsesi, mësova që është super kast dhe se këtë vit po bëhen investime të mëdha për të rritur cilësinë e transmetimit”.

Më tej, u uroi suksese në këtë projekt Alaudin Hamitit dhe Olsa Muhametit.

“BBVK” pritet të nisë së shpejti, pavarësisht se ende nuk dihet një datë specifike. Alaudini, në një intervistë për “Weekend”, tregoi se shtëpia do të jetë krejt e re dhe se do të riorganizohet pozicionimi i dhomave dhe hapësirave të përbashkëta për banorët.