Lauren Sánchez mund të jetë ylli i kopertinës të Vogue, e veshur me fustanin e saj të nusërisë, por kjo nuk do të thotë që stili i saj personal ka miratimin e Anna Wintour. Bashkëshortja e re e Jeff Bezos u fotografua për numrin më të fundit të revistës, ndërsa gjatë vitit 2023 realizoi edhe një set fotografik, ku tregoi jetën e saj me themeluesin e Amazon.
Megjithatë, mes këtyre fotove mahnitëse, nuk kanë munguar kritikat e ashpra të Anna Wintour për stilin e ish-gazetares. Thuhet se vitin e kaluar, gjatë përgatitjeve të Lauren për Met Gala, Anna i vendosi kusht që ajo të kishte kontroll total mbi pamjen e saj, nëse dëshironte të merrte pjesë në event.
Sipas burimeve, mediat raportojnë se ish-kryeredaktorja e famshme e Vogue, e njohur për rreptësinë e saj, e konsideron Lauren Sánchez si dikë me “shije të keqe” në modë.
“Anna nuk përfshihet gjithmonë personalisht në zgjedhjet e të ftuarve,” tha burimi, por në këtë rast ajo dhe Lauren punuan së bashku.
Edhe pse Anna Wintour ishte e ftuar në dasmën e Lauren me Jeff Bezos, nuk mundi të marrë pjesë për shkak të angazhimeve, sipas Page Six. Megjithatë, duket se ajo ndihmoi në zgjedhjen e fustanit të nusërisë.
Ky lajm përkon me njoftimin e papritur të Anna Wintour për dorëheqjen nga posti i kryeredaktores së American Vogue pas 37 vitesh. Anna, 75 vjeçe, mori këtë detyrë në vitin 1988, duke pasuar Grace Mirabella dhe duke ndryshuar rrënjësisht stilin dhe filozofinë e revistës.
