Vëmendje! Një përmbledhje me ngjarjet më të përfolura në “BBVK”

“Big Brother VIP Kosova” ka nisur dhe bashkë me të, shumë drama, të cilat na kanë tërhequr vëmendjen dhe meqë i kemi parë ne, pse mos t’i shihni edhe ju?

E nisim me Albën, e cila deri tani mban kurorën e “muzës së meme-ve”.

E denjë për një telenovelë, Alba e nisi me ulërima për arushin Stitch, më tej me këngë ndërsa lahej në vaskë, me këmbënguljen që Zoti qëndron mbi gjithçka, edhe mbi faktin që marrin frymë në çdo sekondë, një ikje spektakolare nga “BBVK”. Më tej, një rikthim sikur s’kishte ndodhur gjë fare.

Ajo që na bën të shohim 100 video të Albës dhe të mos kuptojmë asgjë? Fakti që i ndryshon humori si me buton. S’e dimë si ia bën motër, por që kështu vazhdo!

Klodi dhe Londrimi

“Pëlqehen, kanë një bro-mance, apo po bëjnë lojë?” Sa herë i shohim, aq më shumë konfuzohemi! Klodi dhe Londrimi po marrin qindra komente ku njerëzit shprehin mbështjetje për “lidhjen” e tyre, madje, mendojnë se duhet të jenë në një romancë. Çunat, sigurisht, mund ta kenë nuhatur se ç’bëhet vërdallë dhe s’i kursejnë ca flirte të vogla dhe “naive”, ndonjë kërcim provokues dhe shumë përqafime!

Bia Khalifa dhe pozicionet!

Kemi një sfidë për ty! Sa herë Bia thotë “ky është pozicioni im i preferuar në seks”, pi një tekila dhe të sigurojmë që maksimumi për 30 minuta, nuk do të të mbajnë dot këmbët! Bia ka si mision të provokojë gjithë çunat e shtëpisë dhe pastaj, t’i trajtojë si miq. E lirshme, pa komplekse, me super vetëbesim dhe teknika provokimi, Bia flet për seksin dhe me shumë gjasa, ngjall goxha fantazi te garuesit. S’e dimë për të gjithë, por për Nailirin vëmë duart në zjarr që po!

Drama ime e preferuar: Edi dhe Dolçe

Ç’ndodhi që në ditën e dytë të “BBVK”? Një puthje mes Edit dhe Dolces. Pastaj, Dolce shkoi te “Grande Fratello” dhe e la Edin të lënduar dhe të përmalluar.

“Do e ndjek edhe nëse nuk më do”, tha Edi, duke menduar se kjo deklaratë është romantike dhe aspak “përndjekëse”, ndërsa Dolce, nga ana tjetër, ka nisur flirtet e saj dhe madje, ka thënë se “Edi as nuk është tipi i saj”. Edi, nga ana tjetër, vijon t’i shprehë dashurinë dhe lutet që ajo të mos dashurohet te programi simotër në Itali, por eh, shumë vonë (ose shpejt; koha është relative).

Babai i Toney-t kundër Bias

Në shtëpinë e “BBVK” hyri babai i Toney-t, njërit prej konkurrentëve dhe me ton autoritar, a thua se Toney është 3 vjeç, i tha se duhet të ndërpriste raportet me Bian dhe të afrohej me Elijonën, një tjetër konkurrente.

“Familja nuk pranon lidhje apo afërsi me Bian. Nuk je djalë i asaj kategorie”, i tha i ati Toney-t.

Mirëpo, Toney e dëgjoi deri diku, por jo plotësisht. Ai u largua nga të dyja vajzat, për t’u afruar me Benitën.