Victoria Beckham nuk dorëzohet kurrë. Ish-anëtarja e Spice Girls foli tërthorazi në “Call Her Daddy” për pretendimet e rikthyera të Rebecca Loos se kishte një marrëdhënie me David Beckham.
Moderatorja Alex Cooper e pyeti Victoria-n se si çifti i përballon “spekulimet gjatë gjithë karrierës mbi martesën e tyre".
“E dini, na është hedhur kaq shumë baltë dhe po flisnim për këtë sepse sapo kemi festuar përvjetorin e 26-të të martesës sonë,” tha Victoria, 51 vjeçe, pa frikë. “Dhe ndërkohë njerëzit thoshin se nuk do të funksiononte… u bënë 26 vjet!” përsëriti ajo.
“Na është hedhur kaq shumë baltë dhe ne gjithmonë kemi qenë aty bashkë, duke përballuar çdo stuhi,” shtoi ajo.
Më pas, Victoria u zhvendos shpejt te çështja e çrregullimeve të të ngrënit, për të cilën tregoi se e kishte mbajtur aq të fshehtë sa as David nuk e dinte.
Sa i përket aludimeve për tradhti, që David i ka mohuar vazhdimisht, ato ndodhën pesë vjet pas martesës së tyre. Loos pretendoi se kishte një marrëdhënie katër-mujore me David-in, pas një ftese në një hotel kur Victoria ishte jashtë qytetit.
Gjatë dokumentarit të tij në Netflix “Beckham”, David tha se ishte “shumë e vështirë” të shihte Victoria-n të vuante për shkak të thashethemeve. Në të njëjtin dokumentar, Victoria pranoi se ndjeu zemërim ndaj Davidit dhe e përshkroi periudhën si më të vështirën, duke thënë se ndiheshin sikur bota ishte kundër tyre.
Victoria gjithashtu foli për marrëdhëniet e ngushta familjare, pavarësisht grindjes me djalin e saj të madh, Brooklyn Beckham dhe bashkëshorten e tij, Nicola Peltz.
Rebecca Loos i konfirmoi sërish pretendimet e saj në një intervistë për “60 Minutes Australia”, duke këmbëngulur se nuk kishte ekzagjeruar apo gënjyer për asgjë.
Çifti është martuar që nga viti 1999 dhe kanë katër fëmijë: Brooklyn, Romeo, Cruz dhe Harper. Victoria theksoi vazhdimisht se pavarësisht çdo gjëje, ata kanë qëndruar pranë njëri-tjetrit gjatë gjithë këtyre viteve.
-
-
David Beckham pret flokët dhe Victoria nuk është aspak e lumtur
21 Korrik, 12:06 -
-
