Sonte nis “Big Brother VIP 5” dhe para nisjes së reality show-t, u zbuluan edhe dy opinionistët që do të jenë pjesë e këtij sezoni.
Top Channel konfirmoi se në studio do të shohim sërish Arbër Hajdarin, për të pestin vit radhazi, dhe Monika Kryemadhin, të cilët do të komentojnë gjithçka që ndodh brenda shtëpisë - nga lojërat dhe strategjitë, te momentet më emocionuese dhe debatet më të forta.
Kjo do të jetë hera e parë që do ta shohim Kryemadhin kaq pranë botës së spektaklit dhe në rolin e opinionistes. Më herët gjatë ditës së sotme, burime pranë Top Channel zbuluan për Anabel se Kryemadhi do të ishte opinioniste këtë edicion.
Kjo dyshe pritet t’i japë ritëm spektaklit dhe të sjellë këndvështrime të ndryshme gjatë gjithë rrugëtimit të këtij edicioni.
