Vendimi për të sjellë një fëmijë në jetë është një prej hapave më madhorë dhe transformues në një marrëdhënie. Nga oraret te financat, nga mënyra e edukimit te mbështetja emocionale, çdo detaj ka peshë.
Në vend që të bini dakord “rrugës”, pse të mos i diskutoni që tani, para se gjërat të bëhen serioze? Këto 20+ pyetje do t’ju ndihmojnë të kuptoni nëse po shkoni në të njëjtin drejtim.
1. Pse do të bësh fëmijë me mua?
2. Sa kohë të lirë do të kemi për njëri-tjetrin si çift dhe për familjen?
3. Si i menaxhon paratë aktualisht dhe si do i menaxhojmë bashkë kur të vijë një bebe?
4. Si do kursejmë/investojmë për edukimin e fëmijëve?
5. Si i sheh rregullat dhe disiplinën?
6. Çfarë ndodh nëse nuk arrij të mbetem shtatzënë së shpejti?
7. Në çfarë mënyrash mendon se do ta mbështesim fëmijën tonë?
8. Nëse bebi ka probleme shëndetësore, si do veprojmë?
9. Si do t’i ndajmë detyrat e prindërimit?
10. Ku do të jetojmë dhe ku do t’i rrisim fëmijët?
11. Do të na duhet ndihmë? Nga kush dhe për sa kohë?
12. E di që do të konsumojmë vetëm ushqime të shëndetshme pas ardhjes së tyre apo jo?
13. Cila është mënyra ideale për të lindur, sipas teje?
14. A do ishte problem nëse fëmijët flenë në dhomë/shtrat me ne?
15. Në rast të një fatkeqësie, kush do të kujdeset për fëmijët?
16. Sa strikt duhet të jemi si prindër?
17. Shkolla publike apo private?
18. Si do reagosh nëse fëmija ka një orientim seksual ndryshe nga pritshmëritë e tua?
19. Si do mbajmë lidhjen tonë gjallë pas ardhjes së fëmijës?
20. Si e përfytyron jetën tënde 1 vit pas lindjes së një fëmije? Po pas 5 vitesh?
21. Çfarë të frikëson më shumë për t’u bërë prind?
22. Si do të më mbështesësh emocionalisht gjatë shtatzënisë dhe pas lindjes?
23. A do postojmë foto të fëmijës në rrjete sociale?
24. Si do ndiheshe nëse shtatzënia do sillte ndryshime të mëdha në trupin dhe shëndetin tim
25. Nëse do të duhet të sakrifikojmë karrierën e njërës palë për kujdes ndaj fëmijës, si do ta vendosim?
-
-
-
6 fraza të prindërve tanë që s'duhet t'i përdorim kurrë
7 Korrik, 10:27 -
