Beatrix Ramosaj kujton të atin e ndjerë: “Ëndrrat të risjellin tek unë”

Beatrix Ramosaj/ Instagram

Beatrix Ramosaj, përmes një postimi në rrjetet sociale, ka treguar mallin dhe dashurinë që ndjen për të atin e ndjerë. Ajo publikoi një video të vjetër të të atit, duke shkruar:

“Në ëndrrat e mia, ai nuk ka ikur kurrë. Ai na pret në shtëpi, duke buzëqeshur”, duke shtuar se vitet që e morën atë nga familja nuk kanë ndodhur kurrë.

Ajo shtoi se e mban, qesh dhe bën foto me të dhe në atë çast, dashuria është e pafundme dhe humbja nuk i arrin.

“Ëndrrat të risjellin tek unë, babi, edhe pse për pak. Faleminderit për atë dhuratë. Më mungon më shumë seç mund ta shpreh”.

I ati i Beatrix dhe Alban Ramosaj u nda nga jeta në moshë të re dhe këngëtarët janë rritur nga nëna e tyre, Antigona. Beatrix e ka shprehur shpesh mungesën që ndjen për të atin përmes publikimeve në rrjetet sociale.