Andy Byron, CEO i kompanisë teknologjike Astronomer, ka dhënë dorëheqjen nga pozicioni i tij, pas dramës që shpërtheu për shkak të një momenti viral në koncertin e Coldplay, i cili transmetua në "kiss cam" në mbarë botën.
Andy u shfaq duke tradhtuar të shoqen me shefen e burimeve njerëzore të kompanisë dhe menjëherë reagimi i tyre u bë super viral. Kjo solli pezullimin nga detyra të CEO-s dhe zëvendësimin e tij të përkohshëm me Pete DeJoy, bashkëthemelues i kompanisë.
Megjithatë, vetë Andy dhe dorëheqjen dhe kompania njoftoi në një përditësim në X të shtunën, më 19 korrik, se Byron "ka dorëzuar dorëheqjen e tij" dhe bordi drejtues "e ka pranuar" atë.
“Në përputhje me atë që kemi deklaruar më parë, Astronomer mbetet e përkushtuar ndaj vlerave dhe kulturës që na ka udhëhequr që nga themelimi. Udhëheqësit tanë pritet të vendosin standarde të larta si në sjellje, ashtu edhe në përgjegjësi dhe rishtazi, ky standard nuk u arrit”, thuhet në deklaratë.
Më tej, kompania njofton se do të nisin kërkimet për CEO-n e ri:
“Bordi do të nisë kërkimet për CEO-n e ardhshëm, ndërsa bashkëthemeluesi dhe shefi i Departamentit të Produkteve, Pete DeJoy, do të vazhdojë të shërbejë si CEO i përkohshëm”.
“Para kësaj jave, ne njiheshim si pionierë në fushën DataOps, duke ndihmuar ekipet e të dhënave në gjithçka nga analizat moderne deri tek inteligjenca artificiale. Edhe pse ndërgjegjësimi për kompaninë tonë mund të ketë ndryshuar brenda natës, produkti dhe puna jonë për klientët nuk kanë ndryshuar. Ne do të vazhdojmë të bëjmë atë që dimë më mirë: të ndihmojmë klientët tanë me sfidat më të mëdha të të dhënave dhe inteligjencës artificiale”, përfundon deklarata.
As stated previously, Astronomer is committed to the values and culture that have guided us since our founding. Our leaders are expected to set the standard in both conduct and accountability, and recently, that standard was not met.
— Astronomer (@astronomerio) July 19, 2025
Andy Byron has tendered his resignation, and… pic.twitter.com/aTTUhnnyVz
Dorëheqja e Andy Byron erdhi vetëm disa ditë pasi momenti nga koncerti u bë viral në rrjetet sociale. Në pamjet e filmuara, shihej çifti dhe mandej, pasi e kuptuan që ishin në ekran, gruaja mbuloi fytyrën, ndërsa burri u ul që të mos dukej.
Reagimi i tyre bëri që Chris Martin, vokalisti i Coldplay, të bënte një shaka për publikun duke thënë se ata mund të ishin “duke tradhtuar ose shumë të turpshëm”.
Më herët, Astronomer kishte njoftuar në LinkedIn se bordi i saj "kishte nisur një hetim zyrtar mbi këtë çështje" dhe se do të "shpallte më shumë detaje së shpejti", duke theksuar sërish se liderët e kompanisë pritet të jenë shembull.
