Në episodin e fundit të "UëTëFë Show" në Andale Media, moderatorët Fatos Sulo, Kostjan Gjerazi dhe Artemis Senja bënë një përllogaritje të fitimeve të mundshme që mund të marrin personazhet publike shqiptare që kanë podkastet e tyre në YouTube.
Lapsit nuk "i shpëtoi" as Mira Kazhani, e cila është ndër gazetaret e para që ka krijuar podkastin e vet në Shqipëri dhe ka nisur transmetimn në YouTube që prej vitit 2021.
Nga informacionet në Google, 1 shikim i videos përkthehet në 0,03 dollarë dhe një mesatare prej 200 mijë shikimesh në podkastin e Mira Kazhanit, jep rezultatin 6 mijë dollarë! Mirëpo, as vetë moderatorët e "UëTëFë"-së s'u bindën shumë prej llogarive të tyre.
View this post on Instagram
"Mos është 600?" tha Kostjani.
Dhe dyshimet e tyre qenë të drejta. Duke ripostuar videon e tyre, Mira Kazhani shkroi me humor:
"Jeni shumë të mirë, por jo me llogaritë."
Ndaj, shifra 6 mijë dollarë apo euro, le të themi që është e ekzagjeruar. Përllogaritja e fitimit është paksa më e ndërlikuar dhe me më shumë ndryshore, si fillim, në Shqipëri një podkast nuk fiton direkt nga shikimet në YouTube, sepse nuk ka reklama aktive. Më pas, fitimi varet kryesisht nga sponsorët, donacionet, abonimet dhe monetizimi i llogarisë.
Shifra 6 mijë euro me siguri s'është e pamundur, por do pak punë për t'u arritur. Dhe s'do mend kjo punë, përndryshe do kishim të gjithë një podkast!
