Inés de Ramon dhe Brad Pitt/ Getty Images

Pavarësisht se duket sikur po ecin “shumë mirë”, lidhja mes Brad Pitt dhe Inés de Ramon mund të mos jetë aq e shëndetshme sa duket në foto. Sipas ekspertes së njohur të takimeve, Susan Trombetti, marrëdhënia e tyre është e mbushur me sinjale paralajmëruese që duhen marrë seriozisht. Ja disa prej tyre:

Të dy janë ndarë së fundmi dhe nuk kanë pasur kohë për të reflektuar

Brad Pitt dhe Inés de Ramon janë përfshirë në këtë lidhje pak pas ndarjeve respektive: ai nga Angelina Jolie, ajo nga aktori Paul Wesley.

Edhe pse Pitt e ka pasur divorcin të gjatë dhe publik, Trombetti thotë se ai kishte më shumë kohë për të përpunuar gjithçka. Ndërkohë, Inés është futur në një lidhje të re shumë shpejt.

“Nuk është e shëndetshme të kalosh nga një lidhje në tjetrën pa reflektuar çfarë nuk funksionoi më parë”, thotë ajo.

Diferenca e madhe në moshë

Brad është 26 vite më i madh se Inés, çka sipas ekspertes, sjell ndasi brezash dhe qasje të ndryshme ndaj jetës.

“Ai është i famshëm, ka përjetuar gjithçka. Ajo është ende në fillim të të 30-ave dhe po hyn në një botë krejt ndryshe.”

Një tjetër burim shton se Pitt po përpiqet shumë ta bëjë të lumtur, madje po e çon në Zelandën e Re për vizita dhe e mbulon me dhurata. Por kjo mund të mos mjaftojë, kur përballë ke një lidhje që kërkon shumë mirëkuptim dhe përkushtim nga të dy.

Gjestet publike (apo mungesa e tyre)

Fansat vunë re disa momente “të ftohta” mes çiftit gjatë eventeve publike, përfshirë Festivalin e Filmit në Venecia dhe premierën e “F1”. Në videot që qarkullojnë online, Pitt nuk ia kthen përqafimin apo puthjen Inés-it, duke e lënë të duket sikur po e shmang. Kjo ka ndezur rrjetet sociale dhe Trombetti e sheh si "simptomë" të presionit publik që po ndikon te lidhja e tyre.

Pabarazi fame dhe ndikimi

Brad Pitt është një nga njerëzit më të njohur në botë, ndërsa Inés jetonte në heshtje përpara lidhjes me të.

“Ka një pabarazi të madhe fuqie – jo vetëm nga mosha, por nga fama dhe përvoja”, thotë Trombetti.

Kjo mund ta bëjë atë të ndihet e pasigurt ose nën hije, ashtu siç ndodhi me shumë partnerë të tjerë të figurave të famshme.

Lidhja e mbajtur e fshehtë dhe frika nga mediat

Brad është bërë jashtëzakonisht i kujdesshëm pas përvojës me dy martesat e tij të mëparshme. Inés, nga ana tjetër, është treguar gjithashtu diskrete, madje sipas mediave, ajo ka bërë që miqtë e saj të nënshkruajnë një marrëveshje për konfidencialitet për të mos folur për lidhjen. Ajo shpreson që Pitt ta besojë dhe që kjo marrëdhënie të shkojë larg, por stresi që sjell fama e tij është i pashmangshëm.

Nëse ka ndjenja të sinqerta apo jo, mbetet për t’u parë. Por një gjë është e qartë: të jesh në një lidhje me Brad Pitt-in do të thotë që çdo gjë – edhe një puthje “e gabuar” – bëhet lajm.

_{Burimi: Glam}