Instagram/Selena Gomez

Selena Gomez ka ndarë disa momente të papublikuara më parë nga dasma me Benny Blanco, përmes një postimi në Instagram të martën, më 30 shtator. Në fotot e publikuara, dyshja shfaqet duke puthur në pistën e vallëzimit, ndërsa në sy bie fustani i bardhë me stil vintage dhe dekolte në formë zemre.

Po ashtu, në serinë e fotove, Selena ndau edhe një pamje më të afërt të fustanit të saj, një punim elegant nga Ralph Lauren me jakë halter, detaje dantelle rreth qafës dhe një bisht të gjatë. Ndërsa flokët i kishte stiluar në onde elegante, të frymëzuara nga Hollywood-i i vjetër.

Në të njëjtin postim, Gomez ndau edhe pamje të fustanit të dytë, një tjetër model me jakë halter, por këtë herë me korse dhe bisht prej dantelle të hollë, duke shtuar një prekje unike në natën e saj të veçantë.

Fotot përfshinin edhe detaje të personalizuara, si buqeta e saj prej "lily of the valley", një lule delikate që, sipas stilistit dhe floristit të njohur ndërkombëtarisht Tyler Speier, simbolizon dashurinë, pastërtinë dhe një fillim të ri.

Fotot zbuluan gjithashtu tortën e dasmës me formë zemre dhe shkrimi kaligrafik ku shkruhej "just married".