People

Zërat për një romancë mes Katy Perry-t dhe ish-kryeministrit, kanadez Justin Trudeau, sa vijnë dhe shtohen, pasi të u fotografuan së bashku në një takim. Më pas, Justin u fotografua duke kërcyer në koncertin e saj.

Sipas burimeve për The Sun, marrëdhënia është ende në fazat e para, por ka ngjallur shqetësim te rrethi i ngushtë i këngëtares.

“Miqtë e Katy-t duan që ajo ta marrë me sportivitet këtë periudhë pas ndarjes nga Orlando Bloom,” tha një burim.

“Por ajo ende e përjeton me dhimbje faktin që nuk arriti të martohej me të. S’duan ta shohin duke u përfshirë menjëherë në diçka serioze.”

Sipas të njëjtit burim, shoqet e saj janë veçanërisht të kujdesshme për faktin se Trudeau ka një reputacion si një njeri që e shijon vëmendjen dhe jetën publike.

“Ai është i njohur për flirtet e tij.”

Megjithatë, burime pranë Justin Trudeau-s thonë se ai ishte “shumë i entuziazmuar” për të dalë me Katy-n dhe se nuk ka asgjë për të fshehur në jetën e tij romantike.

“Ai nuk është nga ata njerëz që lidhen shpejt emocionalisht, por i tërheqin njerëzit e sinqertë dhe ata që e shohin jetën me një këndvështrim të veçantë,” tha një burim tjetër.

“Dhe nuk është aspak i trembur nga fama e Katy-t, është mësuar të jetë në qendër të vëmendjes.”

Për momentin, marrëdhënia duket më shumë si një flirt miqësor. Por, sipas rrethit të afërt të këngëtares, ata shpresojnë që ajo të mos nxitohet dhe këtë herë të zgjedhë dikë që e do për atë që është dhe jo për shkëlqimin që e rrethon.