Në një rrëfim në “Goca dhe Gra”, Kiara Tito ndau me publikun periudhën e vështirë me të cilën u përball para se të merrte pjesë në “BBVA 2”, duke treguar se nëse nuk do t’i kishte thënë “po” ftesës së produksionit, mbase nuk do të ishte rikthyer në televizion.
“Po të mos isha futur në “Big Brother”, nuk do të kisha këtë jetë që kam tani. Nuk do të kisha Lunën, nuk do të kisha takuar Luizin dhe ndoshta nuk do të isha kthyer më në televizion. Ishte një periudhë ku nuk dija çfarë doja nga jeta. Ishte ose gjithçka, ose asgjë”, tha ajo fillimisht.
Më tej, Kiara tha se nuk donte të shfaqej askund, madje nuk dilte as në rrugë.
“Nuk do ta kisha takuar Luizin jashtë, sepse nuk dilja më në rrugë, nuk doja të shfaqesha më askund. Nuk doja të isha më pjesë e ekranit. Ndoshta fati luan rolin e vet, por në fund janë vendimet tona ato që e ndryshojnë rrjedhën e jetës”, vijoi ajo.
Kiara përjetoi një histori dashurie brenda “BBVA 2”, ku u njoh dhe u martua me Luiz Ejllin, fituesin e atij edicioni. Ata janë prindër të një vajze, Luna Mari.
