Ndërsa zënka familjare vazhdon, Daily Mail raportoi se Brooklyn Beckham dhe prindërit e tij shkëmbyen letra verën e kaluar, por vetëm përmes avokatëve.
Burimet thonë se ai kërkoi që prindërit e tij të mos e kontaktonin më drejtpërdrejt apo të bënin deklarata publike për të në rrjetet sociale.
Kërkesa e tij besohet se erdhi pas zërave që u përhapën mbi bashkëshorten, Nicola Peltz. Asokohe, një pjesë e mirë aludonin se ai kishte mbetur “peng” i saj.
Një burim tha se David Beckham komunikonte me të birin përmes firmës ligjore Schillings.
Megjithatë, përpos informacioneve të qarkulluara, përfaqësuesit e Brooklyn dhe David-it nuk i janë përgjigjur menjëherë kërkesës për koment të Page Six.
Muajin e kaluar vëllai i Brooklyn, Cruz Beckham, pretendoi se ai i kishte bërë bllok gjithë familjarëve në Instagram. Reagimi i tij erdhi pasi shumë media qarkulluan lajmet se Victoria dhe David Beckham kishin hequr të birin nga Instagrami.
“Nuk është e vërtetë! Mamaja dhe babai im nuk do ta hiqnin kurrë nga Instagrami djalin e tyre! Thuajini faktet siç janë. Kur ata u zgjuan ai i kishte bërë bllok, njësoj si edhe mua.” shkroi ai gjatë asaj kohe.
